Күп кенә кеше Изге Язмаларны язучылар билгеле түгел дип әйтә. Әмма Изге Язмаларда еш кына язучының исеме әйтелә. Аның кайбер өлешләре мондый сүзләр белән башлана: «Нихами сүзләре», «Ишагыйя күргән күренеш» һәм «Йәһвәнең... Йәилгә җиткергән сүзе» (Нихами 1:1; Ишагыйя 1:1; Йәил 1:1).

 Изге Язмаларны язуда катнашкан кешеләр үзләре белән бердәнбер хак Аллаһы — Йәһвә җитәкчелек итте дип таный. Еврей Язмаларын язуда катнашкан пәйгамбәрләр 300 дән артык тапкыр: «Йәһвә болай дип әйтә»,— дип язган булганнар (Амос 1:3; Михей 2:3; Наум 1:12). Кайбер очракларда алар Аллаһы хәбәрен фәрештәләр аша алган (Зәкәрия 1:7, 9).

 Изге Язмаларны язуда якынча 40 ир-ат катнашкан. Бу 1600 ел дәвам иткән. Аларның кайберләре бу китапның берничә өлешен язган. Изге Язмалар китабын 66 китаптан торган кечкенә китапханә дип атап була. Аның бер өлеше — Еврей Язмалары 39 китаптан тора, ә икенче өлеше — Грек Язмалары 27 китаптан тора.