Зәбур 147:1—20
147 Йәһне* мактагыз!
Аллаһыбызга мәдхияләр җырлау* яхшы,Аны мактау рәхәт һәм һәрвакыт урынлы!+
2 Йәһвә Иерусалимны төзи,+Таралган исраиллеләрне бергә җыя.+
3 Китек* күңеллеләрне ул савыктыра,Аларның яраларын бәйли.
4 Ул йолдызларның санын исәпли,Һәрберсен исеме белән атый.+
5 Безнең Раббыбыз бөек, аның кодрәте гаять зур,+Зирәклегенең* иге-чиге юк.+
6 Йәһвә юашларны торгыза,+Ә явызларны җиргә бәреп ега.
7 Йәһвәгә рәхмәтләр белдереп җырлагыз,Арфага кушылып, Аллаһыбызга мәдхияләр җырлагыз.
8 Ул бит күкләрне болытлар белән каплый,Җир йөзенә яңгырлар яудыра,+Тауларны яшеллеккә күмә.+
9 Ул хайваннарга азык бирә,+Ашарга сораган козгын балаларын тукландыра.+
10 Ул ат көченә дә таң калмый,+
Тиз аяклы кешегә дә исе китми.+
11 Әмма Йәһвәне тирән хөрмәт итүчеләр,+Тугры мәхәббәтенә өметләнүчеләр аның күңеленә рәхәтлек китерә.+
12 И Иерусалим, Йәһвәне данла.
Әй Сио́н, үз Аллаһыңны макта.
13 Ул шәһәр капкаларыңның бикләрен ныгыта,Улларыңа хәер-фатихасын бирә.
14 Ул синең җиреңә иминлек китерә,+Сине иң яхшы* бодай белән туендыра.+
15 Ул җир йөзенә үз боерыкларын җибәрә,Аның сүзе тиз хәбәрчедәй чаба.
16 Ул җирне кар белән ак юргандай каплый,+Бәсне көл күк сибә.+
17 Ул вак бөртекле боз яудыра.+
Аның суыгына кем чыдый ала?+
18 Ул әмер бирә, һәм боз эри.
Ул үз җилен истерә,+ һәм сулар ага.
19 Ул Ягъкубка — үзенең сүзен,Исраилгә күрсәтмәләрен һәм хөкемнәрен игълан итә.+
20 Башка бернинди халыкка да ул шулай эшләми,+Алар аның хөкемнәре турында берни дә белми.
Йәһне* мактагыз!+
Искәрмәләр
^ Яки «көй уйнау».
^ Йәһвә исеменең кыска формасы.
^ Яки «Яралы».
^ Яки «Төшенүчәнлегенең».
^ Сүзгә-сүз «көр».
^ Йәһвә исеменең кыска формасы.