Nangwa. Ekitebe kyaitu tikibanza kwekebiija filimu, ebitabu, rundi ebizina nukwo kisobole kutugambira ebiturayetantara. Habwaki?

Baibuli etererra buli muntu kutendeka obusobozi bwe obw’okwetegereza kubaganizamu ekihire n’ekitahikire.​—Abaheburaniya 5:14.

Ebyahandiikirwe byoleka emisingi Omukristaayo ey’asobora kutekerezaaho obwarukuba nayecweramu ebyarayesemeza nabyo. a Nk’oku kiri n’omu bintu ebindi omu bwomeezi bwaitu, ekigendererwa kyaitu nukwo kumanya “eki ekirukusemerra Mukama waitu.”​—Abefeso 5:10.

Baibuli eyegesa ngu banyineeka baine obusobozi h’ab’omu maka gaabo. Nahabweki, nibasobora kucwamu kutanga ab’omu maka gaabo kwejumbira rundi kurora bimu haby’okwesemeza. (1 Abakolinso 11:3; Abefeso 6:1-4) Baitu, busaho muntu n’omu aheeru y’eka ahairwe obusobozi kutanga Omukristaayo wena kurora rundi kuhuliiriza ebintu ebimu.​—Abagaratiya 6:5.