OBUKAIKURU bw’Abakristaayo bacwiremu kutajaguza Krismaasi. Nibehurra bata habw’encwamu yabo? Nibehurra nk’abaine kibarukufeerwa? Abaana baabo bamiigiriziibwe? Wetegereze Abakaiso ba Yahwe omu nsi yoona ebibabazaaho ha nsonga enu.

Kwijuka Yesu Kristo: “Obunkaba ntakafookere omu h’Abakaiso ba Yahwe, nkaba ntarukukira kugenda omu kanisa. Baitu nagendayoga, ha Krismaasi rundi Pasika. Baitu nabwo, tinatekerezaaga hali Yesu Kristo. Tinkyajaguza Krismaasi, baitu kandi ngenda omu nsorrokano emirundi ebiri buli wiiki kandi nyegesa abantu abandi Baibuli eky’egamba hali Yesu!”​—EVE, AUSTRALIA.

Okusemererwa kuruga omu kugaba: “Nsemerererwa muno omuntu obw’ampa ekisembo obumba ntarukukinihira.Ningonza muno kumpuniriza n’ebisembo! Ekindi, ngonza muno kukora kaadi n’okusiigira abantu abandi ebisisani habwokuba kibaletera kusemererwa, kandi nanyowe kinsemeza.”​—REUBEN, NORTHERN IRELAND.

Kukonyera abanaku: “Tugonza muno kucumbira abarwaire ebyokulya. Obwire obumu tubatwarra ebyakyo, emigaati, rundi ekisembo ekindi kyona ekitaito nukwo basemererwe. Tukyegondezaamu habwokuba nitusobora kukikora hoona nambere tugondeze omu mwaka.”​—EMILY, AUSTRALIA.

Kuba hamu nk’eka: “Obutuba hamu nk’eka, abaana baitu bamanya abanyabuzaale baitu abandi omu nyikara etekaine. Habwokuba titujaguza ebiro bikuru, tituhurra tusindikiriziibwe, kandi abanyabuzaale baitu bakimanyire ngu nitubagonza habwokuba tubabungira.”​—WENDY, CAYMAN ISLANDS.

Obusinge: “Omu kasumi ka Krismaasi, nihaba haroho bingi eby’okukora ekiretera abantu bataito kutekereza ha businge. Nyegere Baibuli eky’erukuraganiza abantu; kandi mpurra ntekaine. Nkimanyire ngu abaana bange nibaija kwegondeza omu busumi obw’omu maiso oburumu okusemererwa.”​—SANDRA, SPAIN.