Fundo Zakudumura Izo Zili mu Baibolo
Baibolo ni buku ilo likusangika na ŵanthu ŵanandi chomene kuluska buku lililose, ndipo ŵanthu ŵanandi ŵakulizirwiska. Kweni panji mungajifumba kuti, ‘Kasi buku lakumanyikwa chomene ili likuyowoya vya vichi chomenechomene?’
Kaburosha kakuti, Kasi mu Baibolo Muli Uthenga Wuli? kakulongosora mwakudumura fundo za mu Baibolo ndipo kangamovwirani kuti mupulikiske makora iyo ni fundo yikuru ya mu Baibolo. Kaburosha aka kakulongosora mwakudumura uthenga wa mu Baibolo kufuma pa nkhani ya kulenga mu buku la Genizesi m’paka nkhani ya chilindizga chiwemi cha munthazi iyo yikusangika mu buku la Chivumbuzi. Mu kaburosha aka muliso nyengo iyo yikulongora apo vyakuchitika vyakuzirwa vikachitikira. Kaliso na vithuzi vyakutowa chomene kweniso mafumbo agho ghangamovwirani kuti mupulikiske ivyo mwasambira.
Ŵazgani kaburosha kakuti, Kasi mu Baibolo Muli Uthenga Wuli? pa Intaneti.
Panji Mungatemwa Kuŵerengaso Nkhani Izi
VINTHU VYAKOVWIRA PAKUSAMBIRA BAIBOLO
Vesi la mu Baibolo la Zuŵa Lililose
Kabuku ka Kusanda Malemba Zuŵa na Zuŵa, kali na lemba la mu Baibolo la zuŵa lililose kweniso fundo zakulongosora lemba ilo mwakudumura.
VINTHU VYAKOVWIRA PAKUSAMBIRA BAIBOLO
Burosha la Mapu gha Malo Agho Ghakuzunulika mu Baibolo
Burosha la “Wonani Charu Chiwemi” lili na mapu kweniso matchati ghakulongora malo ghakupambanapambana agho ghakuzunulika mu Baibolo, chomenechomene Charu cha Layizgano mu nyengo zakupambanapambana.