NKHANI YA PA CHIKOPI | KASI ŴAKABONI ŴA YEHOVA MBANJANI?
Chifukwa Wuli Ŵakaboni Ŵakupharazga?
Ŵanthu ŵakuŵamanya chomene Ŵakaboni ŵa Yehova chifukwa chakuti ŵakupharazga nyumba na nyumba, kweniso mu malo ghanyake. Chifukwa wuli ŵakupharazga?
Ŵakaboni ŵa Yehova ŵakupharazga kuti ŵachindike Chiuta na kumanyiska ŵanthu zina lake. (Ŵahebere 13:15) Kweniso ŵakupulikira ivyo Yesu Khristu wakayowoya kuti: “Ntheura, lutaninge mukazgore ŵanthu ŵa mitundu yose . . . kuŵasambizga kusungilira vinthu vyose ivyo namulangulirani.”—Mateyu 28:19, 20.
Kweniso ŵakupharazga chifukwa chakuti ŵakutemwa ŵanthu. (Mateyu 22:39) Ŵakaboni ŵa Yehova ŵakumanya kuti ŵanthu ŵanandi awo ŵakuŵapharazgira ŵali kale na matchalitchi ghawo ndipo ni waliyose yayi uyo wakukhumba kupulika uthenga wawo. Kweni ŵakumanya kuti uthenga wa mu Baibolo ngwakuponoska. Nga Mbakhristu ŵakwambilira, nawo ŵakulutilira “kusambizga na kupharazga makani ghawemi ghakuyowoya vya Khristu.”—Milimo 5:41, 42.
Munthu munyake zina lake Antonio Cova Maduro wakayowoya kuti Ŵakaboni ŵa Yehova ‘ŵakulimbikira kupharazga ndipo nyengo zinyake ŵakusuzgikirapo. Kweni icho ŵakukhumba ntchakuti uthenga wakupatulika ufike pa charu chose chapasi.’—El Universal newspaper, Venezuela
Ŵanthu ŵanandi ŵakuŵazga mabuku ghawo. Ndipo ŵanandi awo ŵakusambira nawo Baibolo ŵakusopa kale kunyake. Kweni ŵakukondwa para ŵakusambira Baibolo na Ŵakaboni ŵa Yehova.
Panji muli na mafumbo ghanandi ghakukhwaskana na Ŵakaboni ŵa Yehova. Mungamanya vinandi usange
-
Mungafumba yumoza wa Ŵakaboni ŵa Yehova.
-
Mungaluta pa Webusayiti ya www.ps8318.com/tum.
-
Mungaluta uko ŵakusopera. Kulije zithero ndipo waliyose ngwakupokelereka.
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Ŵakaboni ŵa Yehova Ŵakuwona Kuti Ŵazamupona Ŵekha?
Baibolo likutiphalira awo ŵazamupona.
IVYO ŴANTHU ŴAKUTEMWA KUFUMBA
Kasi Ŵanakazi Awo Mbakaboni ŵa Yehova Ŵakupharazga?
Kasi udindo wa ŵanakazi pa ntchito yakusambizga ŵanthu pa charu chose ngwakuti wuli?
IVYO ŴANTHU ŴAKUTEMWA KUFUMBA
Kasi Ŵakaboni ŵa Yehova Ŵakuchindika Visopa Vinyake?
Manyani umo Ŵakhristu ŵaunenesko ŵakuchindikira ŵanji.
