Kufuma pa August 19 m’paka 23, 2023, kumwera kwa Chile kukalokwa chivula chikuru ndipo chikapangiska kututuka kwa maji. Chachitima ntchakuti kututuka kwa maji uku, kwakhwaskaso chomene ŵabali na ŵadumbu ŵithu awo ŵakakhwaskikapo kale na kututuka kwa maji uko kukachitika ku chigaŵa chenechichi mu June 2023. Malipoti ghakulongora kuti pasono ku chigaŵa ichi kukulokwa vula chomene. Kuthukira kwa maji mu Nyanja Yikuru ya Pacific kweniso mphepo za El Niño, vyapangiska kuti kulokwe vula yikuru chomene kweniso kututuka kwa maji. Nyumba pafupifupi 25,000 zili kunangika panji kunangikirathu, ndipo ŵanthu ŵatatu ŵali kufwa.

• Palije mubali panji mudumbu uyo wali kupweteka panji kufwa

• Ŵapharazgi 225 ŵali kusama mu nyumba zawo

• Nyumba 13 zili kunangika chomene

• Nyumba 38 zili kunangika pachoko waka

• Nyumba za Ufumu zitatu na nyumba ya mubali iyo ŵakuchitiramo maungano zili kunangika pachoko waka

• Ŵalaŵiliri ŵa dera na ŵabali ŵalara ŵakupeleka wovwiri wakwenelera ku ŵabali na ŵadumbu awo ŵakhwaskika na soka ili na kuŵakhozga

• Makomiti ghaŵiri Ghakovwira Para Kwachitika Soka ghali kusoleka kuti ghalaŵilirenge mulimo wakupeleka wovwiri

Tikuŵalombera ŵabali na ŵadumbu ŵithu awo ŵakhwaskika na kututuka kwa maji uku ku Chile ndipo tili ŵakunweka kuzakawona ivyo Ufumu wa Chiuta uzamufiska apo masoka agha ghazamumara.—Yesaya 32:18.