Pa October 13, 2021, Chimphepo cha Hurricane Pamela chikaputa ku vigaŵa vya mu mphepete mwa Nyanja ku Mexico. Chimphepo chankhongono ichi chikapangiska kuti kulokwe vula yikuru kweniso kuti maji ghatutuke chomenechomene ku vigaŵa vya Durango, Nayarit, na Sinaloa.

• Palije na yumoza wa ŵabali ŵithu uyo wapwetekekapo

• Ŵapharazgi 112 ŵali kusamuka dankha mu nyumba zawo

• Nyumba 75 zili kunangika pachoko waka

• Nyumba ya Ufumu yimoza yili kunangika pachoko waka

• Ŵabali ŵithu ŵakuti chifukwa chakuti gulu lithu likaŵakumbuskanga za masoka gha chilengiwa, vikaŵawovwira kuti ŵanozgekere makora chimphepo ichi

• Awo ŵali kusamuka mu nyumba zawo pasono ŵakukhala mu nyumba za ŵachibali panji Ŵakaboni ŵanyawo

• Chakurya chili kupelekeka ku ŵapharazgi 20

• Ŵalara ŵakovwira mwauzimu wose awo ŵakhwaskika

• Wovwiri wose ukupelekeka mwakulondezga malango agho ghali kuŵikika chifukwa cha muliri wa COVID-19

Wovwiri waluŵiro uwo ŵabali ŵithu ŵapokera ntchilongolero chakuti Yehova ŵakuŵafipira mtima na kuŵatemwa ŵabali aŵa. Chiuta withu ‘ntchigongwe chakukhora nadi.’—Salimo 59:16.