Pa May 14, 2020, chimphepo chakuchemeka Vongfong (icho chikumanyikwaso kuti Ambo) chikaputa pa chirwa cha Samar. Mu 2020, nkhakwamba kuti chimphepo ichi, chipute cha kumanjiliro gha dazi kwa Pacific Ocean, ndipo chili pa nambara 3 pa vimphepo vya typhoon. Chimphepo ichi chikaputa pa chirwa cha Samar pa sipidi ya makilomita pafupifupi 185 pa ora limoza (115 mph). Ŵanthu masauzandi ghanandi ŵakaŵafumiskapo pa chirwa ichi, nangauli chikaŵa chakusuzga kuchita nthena chifukwa cha dango ilo boma lili kuŵika lakuti ŵanthu ŵanandi ŵaleke kukhala pamoza.

Nangauli palije mubali panji mudumbu uyo wali kupwetekeka, kweni ŵabali ŵithu 59 ŵali kuleka nyumba zawo na kuchimbilira kunyake. Ŵabali aŵa ŵakasanga malo ghakukhala mu masukulu, panji ku nyumba za ŵabali na ŵadumbu ŵanyawo. Kweniso ŵanyake 82, nyumba zawo zili kunangika panji kuwa. Nyumba za Ufumu 5 nazo zili kunangika, ndipo yimoza yili kunangika chomene. Komiti ya Ofesi ya Munthavi ya Philippines, yapanga Makomiti Ghakovwira Para Kwachitika Soka ghaŵiri kuti ghawovwire mwakuthupi kweniso mwauzimu ŵabali ŵithu awo ŵakhwaskika na chimphepo ichi.

Tilutilirenge kuŵalombera ŵabali na ŵadumbu ŵithu ku Philippines awo ŵakuzizipizga vinthu viŵiri panyengo yimoza, chimphepo na muliri. Tili na chigomezgo chose kuti Yehova, uyo ni ‘Jalawe lithu lamuyirayira,’ walutilirenge kuŵawovwira.—Yesaya 26:4.