Pa April 13, 2022, vula yankhongono yikalokwa kanandi waka ku chigaŵa cha KwaZulu-Natal ku South Africa, ivyo vikapangiska ŵanandi kutaya maumoyo ghawo na vinthu vinandi kusakazika. Mu vigaŵa vinyake vula yikalokwa mpaka mamilimita 300 mu maora 24 pera. Ku vigaŵa vinandi kukaŵavya magesi panji maji. Misewu yinandi yikasakazika.

• Palije yumoza mwa ŵabali panji ŵadumbu ŵithu uyo wali kufwapo

• Mwana wa mudumbu munyake wakapwetekeka pachoko waka chiliŵa chati chamuwira

• Mubali wakapwetekeka pachoko waka nyumba yake yati yawa

• Nyumba 27 zili kusakazika

• Nyumba 102 zili kunangika chomene

• Ŵapharazgi 87 ŵakasamuka dankha mu nyumba zawo

• Nyumba za Ufumu ziŵiri zili kunangika pachoko waka

• Komiti Yakovwira Para Kwachitika Soka yili kupangika kuti yilongozgenge ntchito yakupeleka wovwiri

• Ŵabali ŵalara pamoza na ŵalaŵiliri ŵa dera ŵakupeleka wovwiri wakukhumbikwa ku ŵapharazgi

• Wovwiri wose ukupelekeka mwakulondezga malango agho ghali kuŵikika chifukwa cha muliri wa COVID-19

Tili na chigomezgo kuti Yehova walutilirenge kuŵa na ŵabali ŵithu awo ŵataya vinthu vyawo, apo tikulindilira vitumbiko vyamuyirayira ivyo vikwiza munthazi.—2 Ŵakorinte 4:18.