Salamo 9:1-20
Ki te takitaki o te kau fai pese i te Mutu-lapeni.* Ko te pese a Tavita.
א [Alefa]
9 Ka tavae ne au koe, e Ieova, mo toku loto kātoa;Ka fakasalalau atu ne au a galuega ‵gali+ katoa a koe.
2 Ka fiafia kae lifu au i a koe;Ka usu ne au a vikiga ki tou igoa, e te Atua Tafasili i te Maluga.+
ב [Peta]
3 Kafai e ‵foki oku fili ki tua,+Ka ‵siga kae ‵mate latou i ou mua.
4 Me e ‵pulu ne koe oku ala tonu;E sagasaga koe i tou nofogaaliki o fakamasino mo te amiotonu.+
ג [Gimela]
5 Ne ‵liko ne koe atufenua+ kae fakaseai a tino amio ma‵sei,Kae ‵solo olotou igoa ke ‵galo ki te se-gata-mai, se-gata-mai eiloa.
6 A te fili ko oti ne fakamasei ki te se-gata-mai;Ne unu kea‵tea ne koe olotou fakai,Kae ko fakamasausauaga katoa o latou ka ‵galo atu.+
ה [He]
7 Kae ko Ieova e sagasaga i te nofogaaliki ki te se-gata-mai;+Ko oti ne faka‵mautakitaki ne ia tena nofogaaliki mō te fakamasinoga tonu.+
8 Ka fakamasino ne ia a te lalolagi nofoaki i te amiotonu;+Ka fai ne ia a fakaikuga amio‵tonu mō atufenua.+
ו [Vau]
9 Ka fai a Ieova e pelā me se lafiga tokagamalie mō tino kolā e fakasauagina,+Se lafiga tokagamalie i taimi o fakalavelave.+
10 A latou kolā e iloa ne latou tou igoa ka tali‵tonu ki a koe;+Ka se tuku tiaki ne koe a latou kolā e salasala ki a koe, e Ieova.+
ז [Seini]
11 Usu atu a vikiga ki a Ieova, ko ia telā e nofo i Siona;Fakailoa atu ki tino ana faifaiga.+
12 Me i te Atua telā e taui ne ia olotou toto e masaua ne ia latou;+Ka se puli i a ia a te ‵tagi a tino puapuaga.+
ח [Heta]
13 Ke na talia mai au, e Ieova; kilo mai ki toku puapuaga ne fai ne latou kolā e takalia‵lia mai ki a au,Ko koe telā ne fakatu aka ne koe au mai mataloa o te mate,+
14 Ko te mea ke mafai o folafola atu ne au au faifaiga e vikia ei koe i mataloa o te tama fafine o Siona,+Kae fiafia i au faifaiga faka‵sao tino.+
ט [Teta]
15 A atufenua ko ‵goto ifo ki lalo i te lua ne fai ne latou;A olotou vae ko ‵lave i te tili ne ‵funa ne latou.+
16 E lauiloa a Ieova i fakamasinoga e fai ne ia.+
A te tino masei ko oti ne maleigina i galuega ne fai ki ana lima.+
Ikaiona.* (Selā)
י [Iota]
17 A tino amio ma‵sei ka toe ‵foki ki tua i te Tanuga,*Ko atufenua katoa kolā ko puli i a latou te Atua.
18 Kae ko tino ma‵tiva ka se mafai o puli atu i taimi katoa;+Io me galo atu te fakamoemoega o tino agamalu.+
כ [Kafa]
19 Tu mai ki luga, e Ieova! Sa talia ne koe se tagata ke manumalo.
Ke fakamasino eiloa a atufenua i ou mua.+
20 ‵Ta ne koe latou ki te mataku, e Ieova,+Fai ke iloa ne atufenua i a latou ne tāgata fua. (Selā)