Tei faaroo-pinepine-hia: Eita te mau Ite no Iehova e faatupu i te Pakate no te mea aita ratou e tiaturi ra ia Iesu.

 Te mea mau: No matou, o Iesu Mesia to tatou Faaora. Te tutava nei ïa matou i te pee ia ˈna.—Petero 1, 2:21; Luka 2:11.

 Tei faaroo-pinepine-hia: No outou, aita Iesu i faatiahia mai.

 Te mea mau: Te tiaturi nei matou i to Iesu tia-faahou-raa; no matou, o ˈna te niu o te faaroo Kerisetiano e te poro nei iho â matou i te reira.—Korinetia 1, 15:3, 4, 12-15.

 Tei faaroo-pinepine-hia: Te ere ra hoi ta outou tamarii i te mau maitai o te oroa Pakate. Aita outou e here mau ra ia ratou.

 Te mea mau: Oia. Te tutava nei matou i te aupuru e i te faaoaoa ia ratou.—Tito 2:4.

•   Aita te oroa Pakate i roto i te Bibilia.

•   Ua faaue Iesu ia haamanaˈo i to ˈna poheraa eiaha râ to ˈna tia-faahou-raa. Ia au i te tarena avaˈe o te Bibilia, e faatupuhia te reira hoê taime i te matahiti. Ta matou iho â ïa e rave nei.—Luka 22:19, 20.

•   Ua taaihia te oroa Pakate e te peu i ravehia na no te faahotu i te mau faaapu. E ore te Atua e farii i te reira. Te titau maira o ˈna ia haamori ia ˈna anaˈe. Ia na reira tatou ma te ore e rave i te mau peu ta ˈna e riri ra.—Exodo 20:5; Te mau arii 1, 18:21.

 Te faaitoito maira te Bibilia ia feruri e ia faaite i te paari i te pee hanoa i te peu a te taata. (Maseli 3:21; Mataio 15:3) Ua niuhia ta matou faaotiraa eiaha e faatupu i te Pakate i nia i te Bibilia. I te tahi taime, e faataa matou i te reira i te taata. Na ratou iho â râ e rave i te faaotiraa.—Petero 1, 3:15.