Isaia 42:1-25
42 Teie ta ˈu tavini,+ ta ˈu e turu!
Ta ˈu i maiti,+ ta ˈu* i mauruuru roa!+
Ua tuu vau i to ˈu varua i roto ia ˈna.+E hopoi oia i te parau-tia i te mau nunaa ěê.+
2 Eita oia e tuô aore ra e faateitei i to ˈna reo,E eita oia e rave ia faaroohia to ˈna reo i te aroâ.+
3 Eita oia e ofati i te aeho tei perehu,E eita oia e tupohe i te uiti e ama rii noa ra.+
E hopoi oia i te parau-tia ma te haapao maitai.+
4 Eita oia e paruparu aore ra e perehu e ia haamau roa oia i te parau-tia i nia i te fenua.+E te tiai noa ra te mau motu i ta ˈna ture.*
5 Teie ta te Atua mau, o Iehova, e parau ra,Te Atua poiete o te raˈi e te Atua Rahi o te hohora i te reira,+Tei hamani i te fenua e te mau mea atoa i nia iho,+Tei horoa i te aho no te taata i reira+E te puai ora no te feia e haere ra na reira:+
6 “O vau, o Iehova, tei titau ia oe ma te parau-tia.Ua rave au i to oe rima.
E paruru vau ia oe e e horoa vau ia oe ei faufaa no te taata+E ei maramarama no te mau nunaa,+
7 Ia faaaraara oe i te mata o te matapo,+Ia aratai oe i tei tapeahia i rapae i te piha tapearaaE te feia e parahi ra i roto i te poiri i rapae i te fare tapearaa.+
8 O vau o Iehova. O to ˈu iˈoa tera.E ore au e horoa* i to ˈu hanahana no vetahi ê,E ta ˈu arueraa no te mau tii nanaˈohia.+
9 A hiˈo, ua tupu te mau mea matamua.I teie nei, te faaite nei au i te mea apî.
Hou te reira a tae mai ai, e faaite au ia outou i te reira.”+
10 A himene ia Iehova i te himene apî,+Ta ˈna arueraa mai te hopea mai o te fenua,+Outou te fano ra na te miti e te mau mea atoa i roto,Outou te mau motu e to reira mau taata.+
11 Ia faateitei te medebara e to ˈna mau oire i to ratou reo,+Te mau nohoraa e faaeahia ra e Kedara.+
Ia umere te mau taata o te mato.Ia tuô ratou mai te mau tupuai mouˈa mai.
12 Ia faahanahana ratou ia IehovaE ia faaite i ta ˈna arueraa na te mau motu.+
13 E haere mai Iehova mai te tahi taata puai.+
E ohipa mai oia ma to ˈna itoito rahi mai te tahi aito.+
E tuô oia e e huro oia.E faaite oia e mea puai aˈe oia i to ˈna mau enemi.+
14 “Ua mamû noa vau mea maoro aˈenei.
Ua vai mamû noa vau e ua haavî au ia ˈu iho.
Mai te vahine e fanau ra,E autâ vau, e paupau to ˈu aho, e aita e aho faahou i te hoê â taime.
15 E haamou vau i te mau mouˈa e aiviE e haamǎrô i te mau raau tupu atoa i reira.
E taui au i te mau anavai ei motu*E e haamǎrô vau i te mau pape hopuna î i te opaero.+
16 E aratai au i te matapo na te tahi eˈa ta ratou i ore i ite+E e faahaere au ia ratou na te mau eˈa ta ratou i ore i matau.+
E taui au i te poiri ei maramarama i mua ia ratou+E te vahi ofaifai ei fenua manina.+
Tera ta ˈu e rave no ratou, e eita vau e faarue ia ratou.”
17 E hoˈi ratou i muri e e haama roa,Te feia o te tiaturi ra i te tii taraihia,Te feia o te parau ra i te tii faatôhia:* “O outou to matou mau atua.”+
18 A faaroo, outou te tariˈa turi.A hiˈo e ia ite outou te matapo.+
19 O vai te matapo maori râ ta ˈu tavini,Te tariˈa turi mai te vea ta ˈu i tono?
O vai te matapo mai tei haamaitaihia e au,Te matapo mai te tavini a Iehova?+
20 Te ite ra oe e rave rahi mea, eita râ oe e tâuˈa.
Te haafatafata ra oe i to oe tariˈa, eita râ oe e faaroo.+
21 No ta ˈna hoi parau-tia,Te oaoa ra Iehova i te faariro i te ture* ei mea faahiahia e te hanahana.
22 E nunaa râ teie tei haruhia ta ratou mau taoˈa e tei eiâhia.+Pauroa ratou tei mau i roto i te apoo e tei faatapunihia i roto i te mau fare tapearaa.+
Ua haruhia ta ratou mau taoˈa aita hoê no te faaora ia ratou,+E ua eiâhia ratou aita e taata no te parau: “A faahoˈi mai ia ratou!”
23 O vai i rotopu ia outou te faaroo i te reira?
O vai te haapao e te faaroo no te mau tau a muri aˈe?
24 Na vai i horoa ia Iakoba i te feia eiâE ia Iseraela i te feia haru taoˈa?
E ere anei na Iehova, o ˈna ta tatou i hara?
Aita ratou i hinaaro e pee i to ˈna mau eˈa,E aita ratou i auraro i ta ˈna ture.*+
25 Ua tamau noa ïa oia i te ninii i to ˈna riri rahi tahoo i nia ia ratou,To ˈna riri e te uˈana o te tamaˈi.+
Ua pau te mau mea ati aˈe ia ratou i te reira, aita râ ratou i haapao.+
Ua ura te reira i nia ia ratou, aita râ ratou i tâuˈa ˈtu.+
Nota i raro i te api
^ Aore ra “haapiiraa.”
^ Aore ra “tufa.”
^ Aore ra “fenua na tatahi.”
^ Aore ra “faatahehia.”
^ Aore ra “haapiiraa.”
^ Aore ra “haapiiraa.”
