HAAPIIRAA 15
O vai Iesu?
E rave rahi matahiti ua ite te taata o vai Iesu. Tera noa râ, taa ê atu i to ˈna iˈoa, aita ratou i matau maitai ia ˈna e mea taa ê roa to ratou manaˈo no nia ia Iesu. Eaha râ ta te Bibilia e parau ra no nia ia ˈna?
1. O vai Iesu?
E melahi puai o Iesu o ta Iehova i poiete hou a poiete ai i te mau mea atoa. No reira Iesu i piihia ˈi “te matahiapo o te mau mea atoa i poietehia.” (Kolosa 1:15) No te aha te Bibilia i parau ai e o Iesu te “Tamaiti otahi” a te Atua? No te mea na Iehova iho i poiete ia Iesu. (Ioane 3:16) Ua ohipa amui Iesu e o Iehova no te poiete i te mau mea atoa. (A taio i te Maseli 8:30.) Ua vai piri noa oia e to ˈna metua ra o Iehova. Ua tavini oia ma te taiva ore ei auvaha no te Atua, oia hoi, “te Parau,” no te hopoi i te mau aratairaa e te mau poroi a Iehova.—Ioane 1:14.
2. No te aha Iesu i haere mai ai i te fenua nei?
A 2000 matahiti i teie nei, ia nehenehe Iesu e fanauhia mai ei taata, ua faaohipa Iehova i to ˈna varua moˈa no te tuu i te ora o Iesu i roto i te opu o te hoê vahine aita i taoto aˈenei i te hoê tane, o Maria te iˈoa. (A taio i te Luka 1:34, 35.) Eaha te fa a Iesu i te fenua nei? No te riro mai ei Mesia e no te faaora i te huitaata. a Ua tupu pauroa te mau parau tohu Bibilia no nia i te Mesia i nia ia Iesu, ia nehenehe te taata e ite o Iesu “te Mesia . . . , te Tamaiti a te Atua ora.”—Mataio 16:16.
3. Teihea roa o Iesu i teie nei?
I te pae hopea o to Iesu oraraa i te fenua nei, ua faatiahia mai oia ei varua e ua hoˈi oia i te raˈi. No reira “te Atua i faateitei ai ia ˈna i te hoê tiaraa teitei aˈe.” (Philipi 2:9) I teie nei, e melahi puai Iesu. Tera râ, o Iehova te mea puai aˈe ia Iesu.
A FAAHOHONU ATU Â
A hiˈo hau atu â o vai mau â Iesu e no te aha mea faufaa ia haapii no nia ia ˈna.
4. E ere Iesu te Atua Manahope
Te haapii ra te Bibilia e noa ˈtu e melahi puai Iesu i te raˈi, ua auraro noa oia i to ˈna Atua e Metua ra ia Iehova. A pata i te VIDEO no te ite i ta te Bibilia e haapii ra no nia i te taa-ê-raa i rotopu ia Iehova e o Iesu.
E tauturu mai te mau irava i muri nei ia ite i te taa-ê-raa i rotopu ia Iehova e o Iesu. A taio i te mau irava tataitahi, e a aparau i te mau uiraa i muri nei:
A taio i te Luka 1:30-32.
-
Eaha ta te melahi i parau o te faaite ra e mea taa ê Iesu e o Iehova te Atua “Tei Teitei Roa ˈˈe”?
A taio i te Mataio 3:16, 17.
-
A bapetizohia ˈi Iesu, eaha ta te hoê reo i te raˈi i parau?
-
No oe, no vai tera reo?
A taio i te Ioane 14:28.
-
O vai tei hau aˈe e ta vai te mana rahi aˈe? Ta te hoê metua tane aore ra ta te hoê tamaiti?
-
Eaha ta Iesu i hinaaro e parau a pii ai oia Iehova to ˈna Metua?
A taio i te Ioane 12:49.
-
Ua manaˈo anei Iesu e aita e taa-ê-raa i rotopu ia ˈna e to ˈna Metua? Eaha to oe manaˈo?
5. Ua haapapu Iesu e o ˈna te Mesia
E rave rahi parau tohu i roto i te Bibilia o te tauturu i te taata ia ite o vai te Mesia ta te Atua i maiti no te faaora i te huitaata. A pata i te VIDEO no te haapii no nia i te tahi o te mau parau tohu ta Iesu i faatupu a haere mai ai oia i te fenua nei.
A taio i teie mau parau tohu Bibilia, e a aparau i te mau uiraa i muri nei:
A taio i te Mika 5:2 no te ite ihea te Mesia i te fanauraahia. b
-
Ua faatupu anei ra te fanauraa o Iesu i teie parau tohu?—Mataio 2:1.
A taio i te Salamo 34:20 e te Zekaria 12:10 no te ite eaha ta te Bibilia i tohu no nia i te pohe o te Mesia.
-
Ua tupu anei teie mau parau tohu?—Ioane 19:33-37.
-
No oe, o Iesu anei to muri i teie mau ohipa ia tupu teie mau parau tohu?
-
Eaha ta te reira e haapapu ra no nia ia Iesu?
6. E faufaahia tatou ia haapii no nia ia Iesu
Te parau ra te Bibilia e mea faufaa roa ia haapii no nia ia Iesu e i ta te Atua e hinaaro ra ia rave o ˈna. A taio i te Ioane 14:6 e te 17:3, e a aparau i teie uiraa:
-
No te aha mea faufaa ia haapii tatou no nia ia Iesu?
O Iesu te eˈa no te riro ei hoa no te Atua. Ua haapii oia i te parau mau no nia ia Iehova, e maoti o ˈna e nehenehe ai tatou e fanaˈo i te ora mure ore
TE MANAˈO O VETAHI: “Aita te mau Ite no Iehova e tiaturi ra ia Iesu.”
-
E nafea oe ia pahono?
HAAPOTORAA
E melahi puai o Iesu. E Tamaiti o ˈna na te Atua e o ˈna te Mesia.
Haamanaˈoraa
-
No te aha Iesu i piihia ˈi “te matahiapo o te mau mea atoa i poietehia”?
-
Eaha ta Iesu i rave hou oia a haere mai ai i te fenua nei?
-
Nafea tatou e ite ai e o Iesu te Mesia?
HIˈOPOA
A haapii hau atu â no nia te tiaraa o Iesu ei Mesia.
“Te haapapu ra anei te mau parau tohu no nia i te Mesia e o Iesu te Mesia?” (Tumu parau natirara)
A hiˈo e te haapii ra anei te Bibilia e ua riro te Atua ei metua mai te hoê taata e riro ei metua tane.
“No te aha i piihia ˈi Iesu te Tamaiti a te Atua?” (Tumu parau natirara)
A hiˈo no te aha aita te Bibilia e haapii ra no nia i te Toru tahi.
A taio mea nafea te hoê vahine i te tauiraa i to ˈna oraraa i muri aˈe i to ˈna haapiiraa i ta te Bibilia e haapii ra no nia ia Iesu.
a E faaite mai te haapiiraa 26 e 27 no te aha e titauhia te hoê faaora no te huitaata e e nafea Iesu e faaora ˈi ia tatou.
b A hiˈo i te faataaraa hau 2 no te hoê parau tohu o te faataa maitai ra i teihea taime to Iesu taeraa mai i te fenua nei.
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
