Библияда чүү дээнил?
Бурган шупту мөргүлдерге харыылап турар бе?
СИЛЕРНИҢ САНАЛЫҢАР КАНДЫГЫЛ?
Бурган шупту улустуң мөргүлдеринге харыылап турар.
Бурган чүгле чамдык улустуң мөргүлдеринге харыылап турар.
Бурган кымга-даа харыылавайн турар.
БИБЛИЯДА ЧҮҮ ДЭЭНИЛ?
«Дээрги-Чаяакчы... бүгү улуска — шынныы-биле Ону кый деп мөргүүрлерге — чоок» (Ырлар 144:18).
БИБЛИЯДАН ООН ӨСКЕ ЧҮНҮ БИЛИП АП БОЛУРУЛ?
Бурган Ооң айтыышкыннарын сагывас улустуң мөргүлдерин дыңнавас (Исайя 1:15). Ынчалза-даа ындыг улус чуртталгазын Аңаа таарыштыр өскертип алыр болза, Ооң-биле эки хамаарылганы тургузуп ап болур (Исайя 1:18).
Бурган Библияда бижиттинген негелделерге дүгжүр мөргүлдерге харыылаар (1 Иоанн 5:14).
Мөргүүрде тускай кылдыр олуруп алыры херек бе?
ЧАМДЫК УЛУС мөргүүрде дискектенгеш, бажын доңгайгаш, адыштарны чыпшыр тудуп алыры херек деп санаар. А силер чүү деп бодаар силер?
БИБЛИЯДА ЧҮҮ ДЭЭНИЛ?
Бурган мөргүлдерге, улус олуруп алгаш-даа, туруп алгаш-даа, чыдып алгаш-даа, дискектенип алгаш-даа олурда, харыылап турган (1 Чылдар 17:16; 2 Чылдар 30:27; Эзра 10:1; Ажыл-чорудулга 9:40). Мөргүүрде албан олуруп азы туруп алырын Ол бистен негевейн турар.
БИБЛИЯДАН ООН ӨСКЕ ЧҮНҮ БИЛИП АП БОЛУРУЛ?
Бурган биче сеткилдиг улусту дыңнап турар (Ырлар 137:6).
Кандыг-даа дылга, безин иштинде, мөргүп болур (2 Чылдар 6:32, 33; Неемия 2:1—6).
