Котькуд адямилэн нимыз вань. Озьы ке, Инмарлэн но нимыз луыны кулэ ӧвӧл-а? Эшъёс ог-огзылы нимзыя вазисько. Нош милям Инмарлэн эшъёсыз луэммы потэ ке, кулэ ӧвӧл-а солэсь нимзэ тодыны?

Инмарлэн трос титулъёсыз вань, кылсярысь, «Ваньмызлэсь Кужмо Инмар», «Кузё-Атай» но «Кылдытӥсь». Озьы ке но ужась-тыршисьёсызлы со луонлык сётӥз солы аслаз нимызъя вазиськыны. Со туж бадӟым дан (Улон-вылон 17:1; Апостолъёслэн ужъёссы 4:24; 1 Пётр 4:19).

Тросаз Библиосын Инмарлэн нимыз пумиське Улон-вылонын 22:14 но Потонын 17:15. Та кылбуръёсын гожтэмъя, Авраам но Моисей курбон сётон интыосты Иегова-ире но Иегова Нисси шуыса нимазы.

Библилэн нырысетӥ люкетэз удмурт кылын гожтэмын ӧй вал, нош вашкала еврей кылын, кудаз бур паласен паллян пала гожъясько. Со кылын Инмарлэн нимыз ньыль согласной букваосын гожтӥське — יהוה. Та ньыль еврей букваос, кудъёсыз удмурт кылын ЙХВХ шуыса гожтӥсько, тетраграмматон нимасько. Котькуд кылын Инмарлэн нимыз пӧртэм сямен гожтӥське. Удмурт кылын сое «Иегова» шуо.