Olosamo 34:1-22
Osamo ya Daviti eci a likembisa oku kala eyui+ kovaso a Avimeleke, una wo lupuisa kuenje eye wa enda.
א [Aleph]*
34 Ndi ka sivaya Yehova otembo yosi;Si ka liwekapo oku u sivaya.
ב [Beth]
2 Ndi ka kemainya Yehova;+Ambombe va ka yeva kuenje va ka sanjuka.
ג [Gimel]
3 Pandiyi kumue lame Yehova;+Tu kemãlisi kumosi onduko yaye.
ד [Daleth]
4 Nda likutilila ku Yehova kuenje eye wa nambulula.+
Eye wa ndi yovola kusumba wange wosi.+
ה [He]
5 Va sumũlũha vana va kasi oku kolela kokuaye;Kuenda ovo ka va ka kutisiwa osõi.
ז [Zayin]
6 Ohukũi eyi ya vilikiya kuenje Yehova wa yevelela.
Eye wo popela kohali yaye yosi.+
ח [Heth]
7 Ungelo wa Yehova o teyuila vana Vo sumbila,+Kuenje eye o va yovola.+
ט [Teth]
8 Seteki* kuenda limbuki okuti Yehova uwa;+Wa sumũlũha omunu o sanda ocitililo vokuaye.
י [Yod]
9 Sumbili Yehova ene vosi vulosandu viaye,Momo vana vo sumbila ka va kambela cimue.+
כ [Kaph]
10 Ndaño muẽle olohosi via pama viamalẽhe* via kala onjala,Pole, vana va sanda Yehova ka va ka kambela cimue ciwa.+
ל [Lamed]
11 Enjui amãla vange, njeveleli;Ndi ka vu longisi oku sumbila Yehova.+
מ [Mem]
12 Helie pokati kene wa sanjukila omuenyoKuenda o yongola oku mola oloneke vialua viwa?+
נ [Nun]
13 Lava elimi liove kueci cĩvi,+Kuenda omẽla wove koku vangula elimbi.+
ס [Samekh]
14 Tinduka kueci cĩvi kuenda linga eci ciwa;+Sanda ombembua loku yi landula.+
ע [Ayin]
15 Ovaso a Yehova a kasi la vakuesunga,+Kuenda ovatũi aye a yevelela epingilo liavo liekuatiso.+
פ [Pe]
16 Pole, Yehova o suvuka vana va linga eci cĩvi,Eye o ka va kundula kilu lieve oco okuti, lomue o va ivaluka vali.+
צ [Tsade]
17 Vakuesunga va kaluka kuenje Yehova wa yevelela;+Eye wa va yovola kohali yavo yosi.+
ק [Qoph]
18 Yehova o kasi ocipepi la vakuavitima via teka;+Eye o popela vana va sumua.+
ר [Resh]
19 Ohali* yukuesunga yalua,+Pole, Yehova u yovola kohali yaco yosi.+
ש [Shin]
20 Eye o lava akepa aye osi;Lalimue li teyiwa.+
ת [Taw]
21 Ocilunga ci ka kokela ondingaĩvi oku fa;Vana va suvuka ukuesunga va ka kuata eko.
22 Yehova o yovola omuenyo wakuenje vaye;Lomue o sanda ocitililo vokuaye okuti o ka kuata eko.+
Atosi Pombuelo
^ Eyi oletala yatete yo ambesendaliu kelimi lio Heveru. Osamo eyi ya sonehiwa loku kuama ulala wo ambesendaliu.
^ Ale “mãhi.”
^ Ale “ayove olohosi.”
^ Ale “ovitangi.”