Oku taviwa kuolohutililo ku kasi ndelemba liwa visensu via enda oku eciwa olonjanja viosi ku Yehova vonembele. (Os 141:2) Eci tu lekisa ocisola cetu lolopandu ku Isietu wokilu poku u sapuila olonjongole vietu, loku pinga kokuaye oco a tu songuile, tu lekisa okuti tua velisapo ukamba tu kuete laye. Ocili, okuti Yehova o tava olohutililo vi lingiwila powiñi, kolohongele vietu ndonepa yimue yi kuete esilivilo kefendelo lietu. Yehova o sanjuka calua eci volohutililo vietu tu situlula ovisimĩlo vietu, loku u sapuila ndomo tu li yevite vokuenda kuotembo yalua!—Olo 15:8.

TALA OVIDEO LOSAPI, NDA LITUMBIKA VOLOHUTILILO KUENDA TAMBULULA APULILO A KUÃIMO:

• Ovikele vipi kupange wa Yehova Manji Johnson a kuata?

• Manji Johnson wa kuatisiwa ndati la Yehova poku likutilila?

• Nye wa lilongisa kulandu wa Manji Johnson?