اَمثال 14:1-35
14 جو عورت واقعی دانشمند ہوتی ہے، وہ اپنا گھر بناتی ہےلیکن بےوقوف عورت اپنے ہی ہاتھوں سے اِسے برباد کر دیتی ہے۔
2 سیدھی راہ پر چلنے والا شخص یہوواہ کا خوف رکھتا ہےلیکن ٹیڑھی* راہ پر چلنے والا شخص اُس کی توہین کرتا ہے۔
3 بےوقوف شخص کی غرور سے بھری باتیں چھڑی کی طرح ہیںلیکن دانشمند لوگوں کے ہونٹ اُن کی حفاظت کرتے ہیں۔
4 جہاں گائے بیل نہیں ہوتے، وہاں چرنی* صاف رہتی ہےلیکن بیل کی طاقت سے بہت فصل پیدا ہوتی ہے۔
5 وفادار گواہ جھوٹ نہیں بولتالیکن جھوٹا گواہ بات بات پر جھوٹ بولتا ہے۔
6 مذاق اُڑانے والا شخص دانشمندی تلاش کرتا ہے مگر وہ اُسے نہیں ملتیلیکن سمجھدار شخص کو علم آسانی سے مل جاتا ہے۔
7 بےوقوف شخص سے دُور رہوکیونکہ آپ کو اُس کے ہونٹوں سے علم نہیں ملے گا۔
8 دانشمندی کی وجہ سے سمجھدار شخص سمجھ جاتا ہے کہ وہ کس راستے پر جا رہا ہےلیکن احمق شخص اپنی بےوقوفی کی وجہ سے دھوکا کھا جاتا ہے۔*
9 بےوقوف لوگ اپنی غلطی کو* ہنسی میں اُڑا دیتے ہیںلیکن سیدھی راہ پر چلنے والے لوگ صلح کرنے کے لیے تیار رہتے ہیں۔*
10 ہر دل اپنا درد* خود ہی جانتا ہےاور اُس کی خوشی میں بھی کوئی اَور شریک نہیں ہو سکتا۔
11 بُرے شخص کا گھر برباد ہو جائے گالیکن سیدھی راہ پر چلنے والے شخص کا خیمہ آباد رہے گا۔*
12 ایک ایسی راہ ہے جو اِنسان کو صحیح لگتی ہےلیکن آخر میں وہ موت کی طرف لے جاتی ہے۔
13 ہنسنے والے کے دل میں بھی دُکھ چھپا ہو سکتا ہےاور خوشی غم میں بدل سکتی ہے۔
14 صحیح راہ سے بھٹک جانے والا دل اپنے کاموں کی فصل کاٹے گالیکن اچھا شخص اپنے کاموں کا پھل پائے گا۔
15 نادان* شخص ہر بات کا یقین کر لیتا ہےلیکن سمجھدار شخص ہر قدم سوچ سمجھ کر اُٹھاتا ہے۔
16 دانشمند شخص محتاط ہوتا ہے اور بُرائی سے مُنہ پھیر لیتا ہےلیکن احمق شخص لاپروا* اور حد سے زیادہ خوداِعتماد ہوتا ہے۔
17 جو شخص جلدی غصے میں آ جاتا ہے، وہ بےوقوفی کرتا ہےلیکن جو شخص سوچ سمجھ کر کام کرتا ہے،* اُس سے نفرت کی جاتی ہے۔
18 نادان* شخص کو بےوقوفی ورثے میں ملے گیلیکن سمجھدار شخص کو علم کا تاج پہنایا جائے گا۔
19 بُرے لوگوں کو اچھے لوگوں کے سامنے جھکنا پڑے گااور بُرا شخص نیک شخص کے دروازوں پر جھکے گا۔
20 غریب شخص سے اُس کے پڑوسی بھی نفرت کرتے ہیںلیکن امیر شخص کے بہت سے دوست ہوتے ہیں۔
21 جو اپنے پڑوسی کو حقیر سمجھتا ہے، وہ گُناہ کرتا ہےلیکن جو ادنیٰ اِنسان پر مہربانی کرتا ہے، وہ خوش رہتا ہے۔
22 سازشیں گھڑنے والے گمراہ ہو جائیں گے
لیکن جن کی نیت اچھی ہوتی ہے، اُن سے اٹوٹ محبت اور وفاداری نبھائی جائے گی۔
23 ہر طرح کی محنت سے فائدہ ہوتا ہےلیکن صرف باتیں کرنے کا انجام محتاجی ہوتا ہے۔
24 دانشمند کی دولت اُس کا تاج ہےلیکن احمق کی بےوقوفی بڑھتی جاتی ہے۔
25 سچا گواہ جانیں بچاتا ہےلیکن دھوکےباز گواہ بات بات پر جھوٹ بولتا ہے۔
26 یہوواہ کا خوف رکھنے والا اُس پر پکا بھروسا رکھتا ہےاور یہ اُس کے بچوں کے لیے پناہگاہ ہوگا۔
27 یہوواہ کا خوف زندگی کا چشمہ ہےجو ایک شخص کو موت کے پھندے سے بچاتا ہے۔
28 بڑی رعایا بادشاہ کی شان ہوتی ہےلیکن جس حکمران کی رعایا نہیں ہوتی، وہ برباد ہو جاتا ہے۔
29 جو جلدی غصہ نہیں کرتا، اُس میں بڑی سُوجھبُوجھ ہوتی ہےلیکن بےصبر شخص اپنی بےوقوفی ظاہر کرتا ہے۔
30 پُرسکون دل جسم میں جان ڈالتا ہے*لیکن حسد ہڈیوں کو گلا دیتا ہے۔
31 جو ادنیٰ شخص کو دھوکا دیتا ہے، وہ اُس کے خالق کی توہین کرتا ہےلیکن جو غریب پر مہربانی کرتا ہے، وہ اُس کے خالق کی تعظیم کرتا ہے۔
32 بُرا شخص اپنی بُرائی کی وجہ سے برباد ہو جائے گالیکن نیک شخص اپنی وفاداری کی وجہ سے محفوظ رہے گا۔
33 سمجھدار شخص کے دل میں دانشمندی خاموشی سے بستی ہےلیکن احمق اپنی دانشمندی کا ڈھنڈورا پیٹتا رہتا ہے۔
34 نیکی ایک قوم کو سرفراز کرتی ہےلیکن گُناہ ایک قوم کو رُسوا کرتا ہے۔
35 بادشاہ اُس خادم سے خوش ہوتا ہے جو گہری سمجھ سے کام لیتا ہےلیکن اُس خادم پر اُس کا غصہ بھڑکتا ہے جو شرمناک کام کرتا ہے۔
فٹ نوٹس
^ یا ”دھوکادہی کی“
^ یا ”کُھرلی۔“ وہ چیز جس میں جانوروں کو چارا ڈالا جاتا ہے۔
^ یا شاید ”دوسروں کو دھوکا دیتا ہے۔“
^ یا ”غلطی سدھارنے کو“
^ یا ”لوگوں کی نیت اچھی ہوتی ہے۔“
^ عبرانی میں: ”اپنی جان کی تلخی“
^ یا ”پھلے پھولے گا۔“
^ یا ”ناتجربہکار“
^ یا ”غصیلا“
^ یا ”جس شخص کے پاس سوچنے سمجھنے کی صلاحیت ہوتی ہے،“
^ یا ”ناتجربہکار“
^ یا ”کو تندرست رکھتا ہے“
