کارکُن ٹرک سے بلوط اور میپل کے درخت اُتار رہے ہیں۔ تعمیراتی سائٹ پر 1400 سے زیادہ نئے درخت لگائے جا رہے ہیں۔‏

واروِک میں کام کرنے والے رضاکار یسوع مسیح کی موت کی یادگاری تقریب منا رہے ہیں۔ اِس تقریب میں 384 لوگ موجود تھے۔ یہوواہ کے گواہ ہر سال پوری دُنیا میں یسوع مسیح کی موت کی یادگاری تقریب مناتے ہیں۔‏

کارکُن مین گیٹ کے ساتھ والے کمرے کی کھڑکیاں لگا رہے ہیں۔ مین گیٹ پر موجود رضاکار مرکزی دفتر میں آنے والوں کا خیرمقدم کریں گے، عمارتوں کی حفاظت کریں گے اور اِس بات کا خیال رکھیں گے کہ گاڑیوں کے آنے جانے میں کوئی رُکاوٹ نہ ہو۔‏

ایک باپ اور بیٹا دوسری منزل کی گزرگاہ پر قالین کے ٹکڑے بچھا رہے ہیں۔ زیادہ تر گزرگاہوں پر قالین کے ٹکڑے بچھائے گئے ہیں کیونکہ خراب ہونے کی صورت میں اِنہیں بڑے قالینوں کی نسبت زیادہ آسانی سے تبدیل کِیا جا سکتا ہے۔‏

کارکُن ایک دفتر کو مختلف حصوں میں تقسیم کرنے کے لیے عارضی دیواریں لگا رہے ہیں۔ اِن دیواروں کو آسانی سے الگ کِیا جا سکتا ہے اور ضرورت کے مطابق دفتروں کو چھوٹا یا بڑا کِیا جا سکتا ہے۔‏

ایک کارکُن اُس جگہ کام کر رہا ہے جہاں ٹائلٹ بنائے جائیں گے۔ یہ ٹائلٹ مرکزی ہال کے ساتھ بنائے جائیں گے۔‏

کارکنوں کی ایک ٹیم آگ بجھانے کی مشق کر رہی ہے۔ اِس مشق کی بدولت یہ ٹیم کسی ہنگامی صورتحال میں مرکزی دفتر کی عمارتوں اور لوگوں کی حفاظت کر پائے گی۔ یوں مقامی حفاظتی عملوں کا کام بھی کم ہو جائے گا۔‏

ایک ویٹر واروِک میں کام کرنے والے رضاکاروں کو کھانے کے کمرے میں بٹھا رہا ہے۔ یہاں پہلی دفعہ صبح کی عبادت دِکھائی جانے والی ہے۔‏

ایک کارکُن رہائشیوں اور مہمانوں کی رہنمائی کے لیے لیزر کی مدد سے ایک نشان لگا رہی ہے تاکہ اُنہیں راستہ تلاش کرنے میں مشکل نہ ہو۔ واروِک میں ایسے 2500 سے زیادہ نشان لگائے جائیں گے۔‏

ایک ویلڈر مرکزی ہال سے آڈیٹوریم جانے والی سیڑھیوں پر ریلنگ لگا رہا ہے۔ تصویر میں نیچے آگ بجھانے والا کمبل نظر آ رہا ہے جو آس‌پاس کی چیزوں کو نقصان سے محفوظ رکھتا ہے۔‏

دیواریں اور چھتیں بنانے والے شعبے کا ایک رُکن ایک دیوار پر پلستر کر رہا ہے۔ یہ راستہ اُس نمائش تک لے جاتا ہے جس کا نام ”‎Faith in Action‎“ ہے۔ واروِک میں کُل تین نمائشیں لگائی جائیں گی جن کی سیر کے لیے کسی گائیڈ کی ضرورت نہیں ہوگی۔ ہر نمائش کو اِس طرح ڈیزائن کِیا گیا ہے کہ اِس کا موضوع نمایاں ہو۔‏

کارکُن کنکریٹ کے بنے ہوئے فرش پر پانی لگا رہے ہیں۔ اِس طرح فرش پر دراڑیں نہیں پڑیں گی، یہ زیادہ پائیدار ہو جائے گا، اِس پر مٹی اور ٹائر کے نشان نہیں لگیں گے اور اِس کی صفائی کرنا آسان ہوگا۔‏

کارکنوں کی ایک ٹیم مرکزی ہال کے داخلی راستے کے اُوپر فائبر گلاس کی شیٹیں لگا رہی ہے جن سے روشنی چھن کر اندر داخل ہو سکے گی۔‏

ایک شوہر اور بیوی اُس جگہ پر گرینائٹ کی ٹائلیں لگا رہے ہیں جہاں سے نمائش ”‎The Bible and the Divine Name‎“ شروع ہوگی۔‏

ایک کارکُن آڈیٹوریم میں ایک سیٹ لگا رہی ہے۔ اِس آڈیٹوریم میں کُل 1018 سیٹیں لگائی جائیں گی۔ اِس جگہ بیت ایل کے ارکان کے لیے ‏”‏مینارِنگہبانی“‏ کا مطالعہ اور دیگر مذہبی پروگرام منعقد کیے جائیں گے۔‏

مرکزی ہال میں بڑھئی، الیکٹریشن اور دوسرے کارکُن مہمانوں کو خوش آمدید کہنے کے لیے بورڈ لگا رہے ہیں۔‏

دو کارکُن مرکزی ہال میں کام کرنے والے رضاکاروں کو پانی پہنچا رہی ہیں۔ تعمیراتی سائٹ پر کام کرنے والے رضاکاروں کو خاص طور پر گرمی کے موسم میں یہ یاددہانی کرائی جاتی ہے کہ وہ باقاعدگی سے پانی پئیں۔‏

ایک کارکُن وہ بکس لگا رہا ہے جن میں نمائش ”‎The Bible and the Divine Name‎“ کے لیے نایاب بائبلیں رکھی جائیں گی۔ اِس نمائش میں اِن کے علاوہ بھی بہت سی بائبلیں اور اِن سے متعلق دوسری چیزیں رکھی جائیں گی۔‏

مرکزی ہال میں ایک کارکُن ایک خاکے کی مدد سے دیوار پر آسٹریلیا اور ایشیا کے جنوب مشرق میں واقع جزائر کا نقشہ بنا رہا ہے۔ دیوار پر نام یہوواہ کے گواہ تقریباً 700 زبانوں میں نظر آ رہا ہے۔‏

بیت ایل کے ارکان کو واروِک کی سائٹ کے متعلق معلومات دی جا رہی ہیں اور حفاظتی اِنتظامات کے بارے میں آگاہ کِیا جا رہا ہے۔‏

کارکُن JW براڈکاسٹنگ کے ڈیسک کے اُوپر لائٹیں لگا رہے ہیں۔ سٹوڈیو کے زیادہ تر آلات بروکلن سے لائے گئے ہیں جہاں یہ سٹوڈیو پہلے موجود تھا۔‏

ایک کارکُن داخلی راستے پر ایل ای ڈی لائٹوں والا بورڈ لگا رہا ہے۔ 1 ستمبر سے مرکزی دفتر کے زیادہ تر شعبے واروِک میں کام کر رہے ہیں۔‏