Doniyor 10:1-21
10 Fors shohi Kir+ hukmronligining uchinchi yili Beltashazar+ deb atalgan Doniyorga vahiy berildi. Bu xabar haqiqat bo‘lib, buyuk jang haqida edi. Doniyor xabarni angladi, boisi vahiyda ko‘rganlarining ma’nosi unga ochib berildi.
2 O‘sha kunlari, men, Doniyor, to‘liq uch hafta mobaynida qayg‘urdim+.
3 Bu uch hafta davomida hech qanday tansiq taom yemadim, tomog‘imdan go‘sht ham, sharob ham o‘tmadi, badanimga moy ham surtmadim.
4 Birinchi oyning 24- kuni ulkan daryo — Dajla*+ daryosining bo‘yida turgan edim.
5 Boshimni ko‘tarib qarasam, zig‘ir matodan kiyim kiygan+, beliga Ufaz oltinidan belbog‘ taqqan bir kishi turibdi.
6 Uning tanasi xrizolitday porlar+, yuzi chaqmoqday nur sochardi. Ko‘zlari esa mash’aladay yonib turar, qo‘l-oyoqlari yaltiroq misday bo‘lib+, ovozi katta xaloyiqning ovoziday edi.
7 Bu vahiyni faqat men, Doniyor, ko‘rdim. Yonimda bo‘lgan odamlar ko‘rmadi+. Biroq ularni qattiq vahima bosib, qochib ketishdi va yashirinishdi.
8 Men yolg‘iz qolib, ushbu ajoyib vahiyni ko‘rayotganimda bo‘shashib, rang-ro‘yim oqarib ketdi, tinka-madorim quridi+.
9 So‘ngra uning gapirayotganini eshitdim. Ammo so‘zlarini tinglab turganimda, yerda yuztuban yotib, qattiq uxlab qoldim+.
10 Biroq bitta qo‘l menga tegib+ uyg‘otdi, shunda men qo‘llarimga tayanib, tizzalarimga ko‘tarildim.
11 U menga:
«Ey Doniyor, sen nihoyatda aziz insonsan+. Senga aytmoqchi bo‘lgan so‘zlarimni diqqat bilan tingla. O‘rningdan tur, chunki men sening oldingga yuborildim»,— deb aytdi.
U shunday deganida, men qaltiragancha oyoqga turdim.
12 Keyin u menga quyidagicha dedi: «Ey Doniyor, qo‘rqma+. Bu narsalarni tushunish uchun qalbingni ochib, Xudoying oldida o‘zingni past tutgan kuningdayoq duolaring ijobat bo‘ldi. Shu bois, oldingga keldim+.
13 Fors shohligining sarkardasi+ 21 kun menga qarshilik ko‘rsatdi. Lekin bosh sarkardalardan biri Mikoil*+ menga yordamga keldi. Men o‘sha yerda Fors shohlari yonida qoldim.
14 Kunlarning oxirida xalqing bilan nimalar sodir bo‘lishini tushuntirish uchun yoningga keldim+. Chunki bu vahiy kelajakda nima yuz berishi haqidadir»+.
15 U menga shu so‘zlarni aytgach, men boshimni egib, gapirolmay qoldim.
16 So‘ng inson bolasiga o‘xshagan bittasi og‘zimga qo‘lini tekkizdi+ va men tilga kirib, ro‘paramda turgan kishiga: «Taqsirim, men ko‘rgan vahiy dastidan qaltirab, holim qolmadi+.
17 Shunday ekan, men qulingiz, qanday qilib taqsirim bilan gaplasha olaman?+ Axir tinka-madorim quriganidan nafas olishga ham kuchim yo‘q-ku!»+ — dedim.
18 Shunda inson bolasiga o‘xshagan bittasi menga yana qo‘lini tekkizib, kuch ato etdi+.
19 So‘ng u menga: «Ey, aziz inson+, qo‘rqma+. Tinchlik senga yor bo‘lsin!+ Kuchli va baquvvat bo‘l!» — deb aytdi. U men bilan gaplashib turganida, kuchga to‘lib: «Taqsirim, gapiring, chunki menga kuch ato etdingiz»,— dedim.
20 U menga shunday dedi: «Oldingga nega kelganimni bilasanmi? Endi, Fors sarkardasi+ bilan jang qilish uchun ortga qaytaman. Men ketgach, Yunoniston sarkardasi keladi.
21 Biroq senga haqiqat kitobida yozilgan narsalarni so‘zlab beraman. Zero, bu borada sarkardang+ Mikoildan+ boshqa meni qo‘llab-quvvatlaydigan hech kim yo‘q.
