Galatiyaliklarga 6:1-18
6 Birodarlar, agar odam bilmagan holda biron-bir xato qilib qo‘ysa, ma’nan yetuk bo‘lgan sizlar, bunday kishini muloyimlik bilan tuzatishga urininglar+. Shuningdek, vasvasaga tushmaslik uchun+ o‘zingizni nazorat qilinglar+.
2 Bir-biringizning og‘irliklaringizni ko‘taringlar+ va shu tarzda Masihning qonunini+ bajaringlar.
3 Agar biror kishi hech kim bo‘lmay turib o‘zi haqida yuqori fikrda bo‘lsa+, u o‘zini aldagan bo‘ladi.
4 Lekin har kim o‘z ishini tekshirsin+, shunda o‘zini boshqalar bilan solishtirmay o‘ziga qarasagina+, suyunishga sabab topadi.
5 Zero har kim o‘z aravasini o‘zi tortadi+.
6 Bundan tashqari, Xudoning kalomidan ta’lim oluvchi ta’lim beruvchi bilan har qanday yaxshi narsani baham ko‘rsin+.
7 Adashmanglar, Xudoni laqillatib bo‘lmaydi*. Inson nima eksa, shuni o‘radi+.
8 Kim o‘z tanasiga urug‘ eksa, tanasidan chiriydigan narsa o‘rib oladi. Kimki muqaddas ruhga eksa, muqaddas ruhdan mangu hayot o‘rib oladi+.
9 Xullas, yaxshilik qilishdan bezmaylik. Agar bo‘shashmasak, o‘z vaqtida hosilini o‘rib olamiz+.
10 Fursatimiz bor ekan, hammaga, ayniqsa imondoshlarimizga yaxshilik qilaylik.
11 Qaranglar, sizlarga o‘z qo‘lim bilan, katta-katta harflar bilan yozdim.
12 Sizlarni sunnat qilinishga majbur etayotganlar, aslida tanaga oid narsalar bilan yaxshi taassurot qoldirmoqchilar. Ular buni Iso Masihning azob ustuni* uchun ta’qiblarga duchor bo‘lmaslik niyatida qilyaptilar.
13 Sunnat qilinayotganlar o‘zlari Tavrotga rioya etishmayapti+, biroq tanangiz bilan maqtanish uchun sizlarni sunnat qilishmoqchi.
14 Iloyim, men Hazrati Iso Masihning azob ustunidan tashqari hech narsa bilan maqtanmayin+. U orqali dunyo men uchun, men esa dunyo uchun o‘ldim.
15 Sunnat ham, sunnatsizlik ham hech narsa emas+, balki yangi ijod+ ahamiyatga ega.
16 Bu qoidaga ko‘ra yo‘l tutadiganlarning hammasiga, ya’ni Xudoning Isroiliga+ tinchlik va rahm-shafqat bo‘lsin.
17 Bundan buyon menga hech kim qiyinchilik tug‘dirmasin, chunki men tanamda Isoning quli degan tamg‘ani olib yuribman+.
18 Hazratimiz Iso Masihning inoyati, siz birodarlar namoyon etayotgan ruhiyatingizga yor bo‘lsin. Omin.
