Dziphisalema 139:1-24
Kha mulangi. Luimbo lwa Davida.
139 Iwe Yehova, wo nṱolisisa, u a nḓivha.+
2 U a ḓivha musi ndi tshi dzula na musi ndi tshi takuwa.+
U ḓivha zwine nda zwi humbula u kule.+
3 U a nndavhelesa musi ndi tshi tshimbila na musi ndi tshi eḓela;U a ḓivha nḓila dzanga dzoṱhe.+
4 Musi lulimi lwanga lu sa athu u amba tshithu,Iwe Yehova, u vha u tshi vho zwi ḓivha zwavhuḓi.+
5 Wo ntanga phanḓa na murahu;Wo vhea tshanḓa tshau kha nṋe.
6 Nḓivho yo raloho a thi koni u i ṱalukanya.*
Ndi ya nṱhesa a thi koni u i swikelela.*+
7 Ndi nga ya ngafhi uri ndi shavhe muya wau,Ndi nga ya ngafhi uri ndi shavhe tshifhaṱuwo tshau?+
8 Arali ndo vha ndi tshi nga gonya ṱaḓulu, u ḓo ḓi vha u henefho,Arali ndo vha ndi tshi nga adza vhulalo hanga Vhiḓani,* u ḓo ḓi vha u henefho.+
9 Arali nda fhufha nga phapha dza nga matsheloniNda ya nda dzula lwanzheni lwa kule-kule,
10 Na henefho tshanḓa tshau tshi ḓo nndivhisaU ḓo mpfara nga tshanḓa tshau tsha u ḽa.+
11 Arali nda ri: “Swiswi ḽi ḓo ndzumba!”
Vhusiku ho ntangaho vhu ḓo vha tshedza.
12 Na swiswi ḽi nga si vhe ḽihulu kha iwe,Fhedzi vhusiku hu ḓo vha na tshedza u fana na masiari;+Kha iwe swiswi ḽi fana na tshedza.+
13 Ngauri ndi iwe wo vhumbaho tswio dzanga;Wo dzula wo ntsireledza* mbumbeloni ya mme anga.+
14 Ndi a u renda ngauri ndo vhumbwa nga nḓila i mangadzaho.+
Mishumo yau ndi yavhuḓi,+Zwenezwi ndi a zwi ḓivha zwavhuḓi.
15 Marambo anga wo a vhonaMusi ndi tshi vhumbiwa tshiphirini,Musi ndi tshi lukiwa kha ḽifhasi.+
16 Wo mmbona ndi tshi kha ḓi vhumbea;Buguni yau ho vha ho ṅwaliwaNga ha maḓuvha e miraḓo yanga yoṱhe ya vhumbiwa ngaoNa ḽithihi ḽao ḽi sa athu u vha hone.
17 Mihumbulo yau ndi yavhuḓi lungafhani kha nṋe!+
Iwe Mudzimu, yo ṱanḓavhuwa lungafhani!+
18 Arali nda lingedza u i vhala, i fhira na muṱavha.+
Musi ndi tshi vuwa, ndi vha ndi tshi kha ḓi vha na iwe.*+
19 Iwe Mudzimu, arali wo vha u tshi nga vhulaya vhavhi!+
Nga zwenezwo, mavemu o vha a tshi ḓo nṱutshela,
20 Vhane vha u isela phungo mmbi;Ndi maswina au ane a nyadza dzina ḽau.+
21 Iwe Yehova, naa a thi vhengi vhane vha u vhenga,+Na u nengwa vhane vha u shandukela?+
22 Ndi a vha vhenga vhukuma;+Ndi maswina anga a vhukuma.
23 Iwe Mudzimu, nṱolisise u ḓivhe mbilu yanga.+
Nṱolisise u ḓivhe zwine zwa mmbilaedzisa.+
24 U vhone arali ndi kha nḓila mmbi,+U nndivhise+ nḓilani ya lini na lini.
Ṱhaluso dzi re magumoni a siaṱari
^ Kana “i a mangadza vhukuma.”
^ Kana “Ndi khulwane lune ndi si kone u i pfesesa.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana khamusi, “nnduka.”
^ Kana khamusi, “ndi vha ndi tshi kha ḓi i vhala.”
