Tsumbo dzi re Bivhilini dzine dza nga ni thusa:

• Gen 24:1-4, 7​—Abrahamu o vha o ḓiimisela u ṱoḓela murwa wawe Isaka mufumakadzi kha vhathu vhe vha vha vha tshi shumela Yehova, hu si kha Vhakanana vhe vha vha vha tshi rabela miṅwe midzimu

• Gen 28:1-4​—Isaka o laya murwa wawe Yakobo uri a ṱoḓe mufumakadzi vhukati ha vhathu vhane vha gwadamela Yehova, hu si kha Vhakanana

Tsumbo dzi re Bivhilini dzine dza nga ni thusa:

• 1Dz 11:1-6, 9-11​—Yehova o sinyutshela Khosi Salomo nge a si tevhedze milayo yawe nga u vhinga vhafumakadzi vha dziṅwe tshaka na u vha tendela vha tshi khelusa mbilu yawe

• Neh 13:23-27​—Nehemia o sinyuwa u fana na Yehova musi vhanna vha Vhaisiraele vha tshi vhinga vhafumakadzi vha sa gwadameli Yehova, nga zwenezwo, a vha kaidza na u vha khakhulula

 Tsumbo dzi re Bivhilini dzine dza nga ni thusa:

• 1Sa 25:2, 3, 14-17​—Nabali o vha e munna o pfumaho, fhedzi o vha e na tshiṱuhu a tshi tambudza, zwa mu ita uri a si vhe munna wavhuḓi kha Abigaili

• Mir 21:9​—U khetha mufarisi ane a si vhe wavhuḓi zwi nga ita uri ri si vhe na mulalo na u sa takala

• Rom 7:2​—Muapostola o ṱalutshedza uri musi mufumakadzi a tshi vhingwa, u vha fhasi ha munna wawe a re na tshivhi, ngauralo mufumakadzi a re na vhuṱali u tea u vha na vhusedzi musi a tshi khetha mufarisi

Tsumbo dzi re Bivhilini dzine dza nga ni thusa:

• Mir 24:27​—Musi munna a sa athu u vhinga na u vha na vhana, u tea u shuma nga maanḓa uri a kone u ṱhogomela muṱa wawe

Tsumbo dzi re Bivhilini dzine dza nga ni thusa:

• Ruṱ 2:4-7, 10-12​—Boasi o ḓivha Ruṱe khwine nga u sedza nḓila ye a vha a tshi shuma ngayo, nḓila ye a vha a tshi fara ngayo Naomi, nga u pfa nga hae kha vhathu vhane a nga vha fhulufhela na u vhona nḓila ye a vha a tshi funa ngayo Yehova

• Ruṱ 2:8, 9, 20​—Ruṱe o vhona uri Boasi u na vhuthu na mafunda na uri o vha a tshi funa Yehova

Tsumbo dzi re Bivhilini dzine dza nga ni thusa:

• Mir 5:18, 19​—Dziṅwe nḓila dza u sumbedzana lufuno dzi tea u itwa nga vhavhingani fhedzi

• Lui 1:2; 2:6​—Musi muṱhannga wa mulisa na musidzana wa Mushulamaithi vha tshi khou ḓivhana, vho sumbedzana lufuno nga nḓila yo kunaho

• Lui 4:12; 8:8-10​—Musidzana wa Mushulamaithi o dzula a tshi ḓifara, a ita na u fanyiswa na tsimu yo dzharaṱelwaho

Tsumbo dzi re Bivhilini dzine dza nga ni thusa:

• Gen 21:8-12​—Yehova o vhudza Abrahamu uri a thetshelese mufumakadzi wawe Sara naho Abrahamu a songo takalela zwe Sara a zwi amba

• Mir 31:10, 11, 16, 28​—Munna wa vhuṱali a re na mufumakadzi wavhuḓi ha mu langi kana u sedza vhukhakhi khae, nṱhani hazwo, u a mu fhulufhela na u mu khoḓa

• Ef 5:33​—Muapostola Paulo o sumbedza uri mufumakadzi u a ṱoḓa u ḓivha uri munna wawe u a mu funa

Tsumbo dzi re Bivhilini dzine dza nga ni thusa:

• Mir 1:8; 1Krt 7:4​—Mudzimu o ṋea vhafumakadzi na vhomme vhuṅwe vhuḓifhinduleli muṱani

• 1Krt 11:3​—Muapostola Paulo o ṱalutshedza uri ndanguloni ya Yehova, roṱhe ri na ṱhoho ine ra vha fhasi hayo, fhedzi ndi Mudzimu e eṱhe a si ho fhasi ha vhuṱoho

• Hev 13:7, 17​—Vhanna na vhafumakadzi vhoṱhe vha re tshivhidzoni vha tea u tevhedza na u thetshelesa vhe vha vhewa uri vha vha range phanḓa

Tsumbo dzi re Bivhilini dzine dza nga ni thusa:

• Gen 18:12; 1Pe 3:5, 6​—Sara o vha a tshi ṱhonifha Abrahamu nga maanḓa, lwe a mu vhidza uri “muṋe wanga” kana “murena”

Tsumbo dzi re Bivhilini dzine dza nga ni thusa:

• Gen 24:62-67​—Musi mme a Isaka vho no lovha, Isaka o pfa o khuthadzwa nga u vha hone ha Rebeka

• 1Sa 25:14-24, 32-38​—Abigaili o tsireledza munna wawe wa tsilu na vha nnḓu yawe nga u humbela Davida nga u ḓiṱukufhadza uri a vha pfele vhuṱungu

• Esi 4:6-17; 5:1-8; 7:1-6; 8:3-6​—Esitere we a vha e mufumakadzi wa khosi, o vhea vhutshilo hawe khomboni luvhili nga u ya kha munna wawe a songo vhidzwa u itela u humbelela vhathu vha Mudzimu tsireledzo