Mbudziso Dza Bivhili Dzo Fhindulwa
Ndi vhafhio vhane vha ḓo ya ṱaḓulu, nahone ndi ngani?
Vhathu vhanzhi vha fulufhela u ya ṱaḓulu musi vha tshi fa. Yesu o amba uri vhaapostola vhawe vha fulufhedzeaho vha ḓo dzula ṱaḓulu. Musi a sa athu u fa, o vha fulufhedzisa u vha lugiselela vhudzulo e na Khotsi awe wa ṱaḓulu.—Vhalani Yohane 14:2.
Ndi ngani vhathu vhane vha bva kha ḽifhasi vha tshi ḓo vuselwa u ya u tshila ṱaḓulu? Ndi mini zwine vha ḓo zwi ita henengei? Yesu o vhudza vhaapostola vhawe uri vha ḓo vha mahosi. Vha ḓo vhusa ḽifhasi.—Vhalani Luka 22:28-30; Nzumbululo 5:10.
Naa vhathu vhoṱhe vho lugaho vha ya ṱaḓulu?
Mashangoni manzhi, hu vhusa vhathu vha si gathi fhedzi. Samusi Yesu a tshi vusela vhathu u tshila ṱaḓulu u itela uri vha vhuse ḽifhasi, ri nga lavhelela uri vho nangiwaho vha vhe vha si gathi. (Luka 12:32) Bivhili i amba nga ho livhaho uri vhane vha ḓo vhusa na Yesu ndi vhangana.—Vhalani Nzumbululo 14:1.
Yesu o lugiselela vhaṅwe vha vhatevheli vhawe vhudzulo ngei ṱaḓulu. Naa ni a ḓivha uri vha ḓo ita mini henengei?
A si vhane vha khou ya ṱaḓulu fhedzi, vhane vha ḓo wana malamba. Muvhusoni wa Yesu, vhathu vha fulufhedzeaho vha ḓo takalela vhutshilo vhu sa fheli paradisoni yo vusuluswaho kha ḽifhasi. (Yohane 3:16) Vhaṅwe vha ḓo dzhena Paradisoni musi vha tshi ponyoka ndozwo ya ano maitele mavhi a zwithu. Vhaṅwe vha ḓo dzhena nga u tou vuswa vhafuni.—Vhalani Psalme ya 37:29; Yohane 5:28, 29.
You May Also Like
MBUDZISO DZA BIVHILI DZO FHINDULWA
Ndi Vhafhio Vhane Vha Ya Ṱaḓulu?
Vhanzhi vha na mavhonele o khakheaho a uri vhathu vhoṱhe vho lugaho vha ḓo ya ṱaḓulu. Bivhili i funza mini zwa vhukuma?
MBUDZISO DZA BIVHILI DZO FHINDULWA
Mvuwo Ndi Mini?
Zwi nga ni mangadza uri ndi vho nnyi vhane vha ḓo vuswa.
