Samusi ṅwaha wa 2023 u tshi kha ḓi tou bva u thoma, ri fhulufhela uri wo ri farela zwithu zwavhuḓi, riṋe na miṱa yashu. Ndi mini tshine tsha ita uri ri vhe na fhulufhelo?

 Bivhili i na mulaedza wavhuḓi wa uri thaidzo dzine ra vha nadzo dzi ḓo fheliswa hu si kale. Zwavhuḓivhuḓi, Bivhili yo “ṅwalelwa u ri funza, uri . . . nga u khuthadzwa nga Maṅwalo ri vhe na fhulufhelo.”—Vharoma 15:4.

•   U itela u guda zwo engedzeaho nga ha zwine Bivhili ya zwi fhulufhedzisa, vhalani thero “A Real Hope for a Better Tomorrow.”

 Fhulufhelo ḽine Bivhili ya ri ṋea ḽone “ndi thikho ya vhutshilo hashu.” (Vhahevheru 6:19) Ḽeneḽi fhulufhelo ḽi nga ri thusa uri ri kone u sedzana na thaidzo, ri vhe na mavhonele avhuḓi na uri ri vhe na dakalo. Sa tsumbo:

•   Vhonani uri Bivhili yo thusa hani muṅwe munna we a vha e na dzema. Ṱalelani vidio ine ya ri Ndo Vha Ndi Sa Takaleli Nḓila Ye Nda Vha Ndi Tshi Tshila Ngayo.

•   Vhonani uri fhulufhelo ḽa Bivhili ḽi nga ni thusa hani musi no lovhelwa nga muthu ane na mu funa. Ṱalelani vidio ine ya ri Zwine Zwa Nga Khuthadza Vho Lovhelwaho.

 Vhathu vhanzhi vha na fhulufhelo ḽa uri hu ḓo itea zwithu zwavhuḓi, fhedzi a vha na vhungoho ha uri zwi ḓo itea zwa vhukuma. Naho zwo ralo, ri nga fhulufhela zwine Bivhili ya zwi amba. Ndi ngani? Ndi ngauri zwine Bivhili ya zwi fhulufhedzisa zwi bva kha Yehova, “Mudzimu a a sa zwifhi.” (Tito 1:2) Ndi Yehova fhedzi ane a vha na maanḓa a u ita zwoṱhe zwe a fhulufhedzisa; u a kona u “ita tshiṅwe na tshiṅwe tshine a funa u tshi ita.”—Phisalema 135:5, 6.

 Ri a ni ramba uri ni vhuyelwe nga u vha na fhulufhelo ḽi bvaho Bivhilini. Ni nga ita uri ḽeneḽo fhulufhelo ḽi khwaṱhe nga u “ṱolisisa Maṅwalo.” (Mishumo 17:11) Ḓivhoneleni nga aṋu nga u tendela muṅwe wa Ṱhanzi dza Yehova a tshi guda na inwi Bivhili nga mahala. Thomani ṅwaha wa 2023 ni na fhulufhelo!