Xoossaa Kawotettay asaa kawotetta ubbaa xayssidi kumetta saˈaa haarana. (Daaneela 2:44; Ajjuutaa 16:14) Hegaappe simmin, Xoossaa Kawotettay . . .

•   Bantta xallaa siiqiyoogan nuna qohiyaabaa oottiya iita asata xayssana. “Iitati biittaappe xoqollettana.”—Leemiso 2:22.

•   Ola ubbaa xayssana. “[Xoossay] sa7aa gaxaa gakkanaassi de7iya olaa teqqees.”—Mazamure 46:9.

•   Asay saˈan ishalidinne woppu giidi deˈanaadan oottana. “Asi ubbi ba woiniyaa turaa kuwaaninne balasiyaa kuwan woppu giidi uttana; ai asinne eta yashissenna.”—Mikiyaasa 4:4.

•   Saˈaa gannate oottana. “Bazzoinne mela biittai ufaittana; bazzoi ufaissaa poocu giiddi, ciishshaa ciyyana.”—Isiyaasa 35:1.

•   Ubba asawu ufayssiya loˈˈo oosoy deˈana. “[Xoossay] dooridoogeeti bantta adussa wodiyau bantta kushiyaa oosuwan ufaittana. Eti coo daafurokkona.”—Isiyaasa 65:21-23.

•   Harggiya xayssana. “[Yan] de7iya ooninne, ‘Taani harggais’ yaagenna.”—Isiyaasa 33:24.

•   Cimatettaa xayssana. “A bollai yelagana; a yelagatettaa wolqqaikka ayyo simmana.”—Iyyooba 33:25.

•   Hayqqidaageeta denttana. “Duufuwan de7iyaageeti [Yesuusa] cenggurssaa siyiyo wodee yees. Siyidi eti duufuwaappe gaxi kiyana.”—Yohaannisa 5:28, 29.