Samtang nagtitikaduro an kabaraka tungod han masamok hinduro nga kalibotan, damu an diri nakakagtipig hin duok nga relasyon ha ira mga hinigugma.

• An mga tawo nagpapahirayo ha ira kasangkayan.

• An mga mag-asawa mas nagigin diri buotan ha pagtratar ha usa kag usa.

• Gutiay la nga atensyon o diri ginpapansin han mga kag-anak an mga kabaraka han ira mga anak.

• An kasangkayan importante basi matipigan mo nga mahimsog an imo pisikal ngan emosyon, labi na hinin makuri nga mga panahon.

• Tungod han istres nga resulta han masamok hinduro nga kalibotan, bangin an iyo pamilya magkaada hin diri ginlalaoman nga mga problema.

• An magraot nga balita bangin magkaada daku nga epekto ha iyo mga anak kay ha iyo ginlalaoman.

An Biblia nasiring: “An tinuod nga sangkay nahigugma ha ngatanan nga panahon ngan usa nga bugto nga natawo para ha mga panahon han kasakitan.”—Proberbios 17:17.

Paghunahuna hin sangkay nga pirme nabulig ha imo ngan naghahatag hin praktikal nga sagdon. An paghibaro nga may nahigugma ha imo magpaparig-on han imo determinasyon nga atubangon an mga problema kada adlaw.