Wedepaihi ĩpire uptabi niꞌwam cristão norĩ ma hã. Wa norĩ hã Jeová Watsuꞌuꞌwa norĩ , wa tsadze dzaꞌra ni Jesus. Tadzahã ãma wawata dzaꞌra õ di wedepaihi. E marĩ wa.

 Bíblia dzarina Jesus döꞌö õ di wedepaihi na, tadzahã tô tsena na ma dörö wedeꞌrã tõ ãma. Bíblia te tinha tsõꞌawi cristão ma dahöiba ꞌmanharĩ ãma tĩwawata dzaꞌra õ di dza. — 1 Coríntios 10:14; 1 João 5:21.

 Wa dza wapari dzaꞌra ni Jesus mreme, Jesus te tinha: “Aihini hã, te dza da te ꞌre atsaꞌretse dzaꞌra waꞌwa, a norĩ waꞌwa hã ĩdzamarĩꞌwa na hã, dadzawi hã aima aba höimanamhã, aihöiba amoi u mono na hã”. (João 13:34, 35) Jesus mreme dzarina, dadzawi te höiré Jesus ĩtsadawa dzamarĩꞌwa norĩ hã, maredi wedepaihi niwamhã ĩhöiba amo dahöiba ꞌmanharĩ norĩ hã.