არძას მიღნა იმენდ, ნამდა 2023 წანა მუდგარენ ჯგირს ქუმომღანა, მუჭოთ ჩქი, თეშ ჩქინ ოჯახეფს. მუშენ შემლებნა იმენდიანო ვორდათ?

 ბიბლია მოგებაფუანა სახიოლო ამბეს დო მირაგადნა, ნამდა თი პრობლემეფ, ნამდგას ამდღა ფხვადუთ დროებით რე დო მალას მისპუ. თექ ჭარჷ: „ირფელქ … ჩქინ ოგურაფალო იჭარ, მუშენდა მოთვინებათ დო წმინდა წერილეფშე მეღებულ გურიშექექაფათ მიღდან იმენდ“ (რომაელები 15:4).

•   ბიბლიურ დუნაპირებუეფიშ გურშენ უმოსიშ გაგებელო, წეკითხით სტატია „უჯგუშ მომავალიშ რეალურ იმენდ“ [ქორთ.].

 ბიბლიურ იმენდ „ღუზაცალო რე ჩქინო“ (ებრაელები 6:19). თის შეულებ ქომჩან შინაგან სიმშვიდე დო მიმეხვარან პრობლემეფიშ გარზებას, დადებით განწყობაშ შენარჩუნებას დო ულიებ ბედნერობაშ მენჭირნაფას. მაგალთო:

•   ქიგეგით, მუჭო მეხვარ ბიბლიურ იმენდიქ ართ კოჩის, მით ოშუმალშა რდჷ დამოკიდებულ. ქოძირით ვიდეო „ირფელქ კისერშა გეკომირთუ“.

•   ქიგეგით, მუჭო მოხვარნა ბიბლიურ იმენდ, მუჟამსით საჸოროფო ადამიან მიღურნა. ქოძირით ვიდეო „მუ ეუქექუანს გურშა თინეფს, მიდგას საჸოროფო ადამიან აფნა ღურელ?“.

 ბრელ ადამიანს უღჷ თიშ იმენდ, ნამდა მუდგარენ ჯგირ ქუმოხვადუ, მარა ბოლოშა ვა რენა დარწმუნებულ, თაშ ქიჸუაფუნ. თეშ გინაწონს, ბიბლიურ დუნაპირებუეფიშ შემლებნა ბოლოშა ბჯერდან, მუშენდა თინეფ იეჰოვა ღორონთშე a მოურს, „ნამდგაქ გამორიცხულ რე, ტყურა ქოთქუას“ (ტიტე 1:2). ხვალე იეჰოვას უღჷ თიშ ძალა, შეასრულას მუშ არძა დუნაპირებუეფ. თის შეულებ გაკეთას ირფელ, მუდგას მიკორინუანს (ფსალმუნი 135:5, 6).

 მთელ გურით მოკონა, მიღათ ჯგირობუა ბიბლიურ იმენდშე, ნამუთ რეალურ რე. თე იმენდიშ მიმართ ნდობაშ გამანგარება შეილებნა წმინდა წერილეფიშ გურგედვალირ გიმორკვიებათ (საქმეები 17:11). ქიდიჭყით ბიბლიაშ უფასო გურაფა იეჰოვაშ მოწმეეფწკუმა დო დიჭყით 2023 წანა იმენდიანო!