იეჰოვაშ მოწმეეფიშ ორგანიზაცია აფასენს კოჩიშ უფლებას, თხილერ რდას თიშ პირად მონაცემეფი. კონფიდენციალურობაშ გურშენ გეძინელ ინფორმაციაშ მიოღებელო ქიგუნჭირით თაქ.

პირად მონაცემეფიშ კონფიდენციალურობაშ დებულებას ენწყუმილ რე, მუჭო გიმირინუანს იეჰოვაშ მოწმეეფიშ ორგანიზაცია კოჩიშ პირად მონაცემეფს. კონკრეტულ მითითებეფ, ნამუსით თე ვებ-გვერდ გიმირინუანსინ, თუდო რე მოჩამილ.

თე ვებ-გვერდის ომინჯუ საზოგადოება „გინაჯინალ კოშკი“ (Watchtower Bible and Tract Society of New York, Inc.). თე ორგანიზაცია კომერციულ ვა რე, თინა ხეს უნწყუნს იეჰოვაშ მოწმეეფიშ ბიბლიურ განათლებაშ მეღებაშ საქმეს. ნამთინე სერვერ, ნამუსით ჩქინ ვებ-გვერდ გეძუნ, ამერიკაშ შეერთებულ შტატეფს რე.

ვებ-გვერდის თქვან გედვალირ პირად მონაცემეფს ხვალე თი მიზანშო გიმირინუანა, მუშ გურშენით წინასწარ გიჩქუდეს დო მუსუთ დეთანხმით.

თქვან პირად მონაცემეფ შხვას ვეგნაჩამუ, მარა ხვალე თი შემთხვევას გინაჩამუ, მუჟამს თენა თქვან მოთხოვნათ ნამდგანერ მომსახურებაშო რე საჭირო; მუჟამს თეს კანონი დო სამართალდამცავ ორგანოეფ ითხინა; მუჟამს საჭირო რე თაღლითობაშ გიმოარგამება ვარდა თიშ ეჩილითაფა ვარდა უსაფრთხოებაშ უზრუნველყოფა დო ტექნიკურ პრობლემეფიშ გინოჭყვიდუა. თე ვებ-გვერდიშ გიმორინაფათ უფლებას ირზენთ თქვან პირად მონაცემეფ ხეშა მალაფარ იჸუას მასმა პიჯიშო ხვალე ჟიშე ეჭარილ შემთხვევეფიშ დროს. თქვან პირად მონაცემეფ ვეჸუაფ გიმორინაფილ ფინანსურ მოგებაშ გურშენ.

მასმა პიჯი: მინშა ვებ-გვერდის გამკორჩქინდუ შხვა ვებ-გვერდეფიშ ბმულეფ (მასმა პიჯი), ნამდა ქიშილებუათ შხვადოშხვა მომსახურებათ სარგებლუა (მაგალთო ელექტრონულ ფორმეფიშ შევსება). მუჟამსით მასმა პიჯიშ მომსახურებას გიმირინუანთინ, დითირუ ვებ-გვერდიშ მისამართი. მუჟამს ჩქი გიშაბგორუნთ შხვა ვებ-გვერდის (მასმა პიჯი) პერიოდულო გინვოჯინეთ, მეჸუნს დო ვარ თინა ხოლო თე უსაფრთხოებაშ სტანდარტეფს. შხვა ვებ-გვერდეფიშ კონფიდენციალურობაშ გურშენ გეძინელ ინფორმაციაშ მიოღებელო წეკითხით თინეფიშ ვებ-გვერდის მოჩამილ კონფიდენციალურობაშ დებულება.

ჩქი სერიოზულო უჯინეთ კოჩიშ პირად მონაცემეფიშ დაცვებას. ჩქი ფთხილანთ თქვან პირად მონაცემეფს ტრანზაქციაშ დროს დაშიფვრაშ მეთოდით, მუნერით რე სატრანსპორტო დონეშ უსაფრთხოება (TLS). ჩქი გიმიბრინუანთ კომპიუტერულ სისტემას, ნამუთ სარგებლენს ფიზიკურ, ელექტრონულ დო პროცედურულ უსაფრთხოებაშ მექანიზმეფით თიშენ, ნამდა თხილერქ იჸუას თქვან მინაჯღონა ინფორმაციაშ კონფიდენციალურობაქ დო უსაფრთხოებაქ.

ელექტრონულ ფოსტაშ მისამართის, ნამუსით ანგარიშიშ გონწყუმაშ დროს უთითენთ, საზოგადოება თქვანწკუმა დასაკავშირებელო დო მომსახურებაშ გაუჯგუშებელო გიმირინუანს. მაგალთო, გუგოჭყორდეს მომხმარებელიშ სახელქ, პაროლქ ვარდა სისტემაშა მიშულაშ დროს შხვა პრობლემაქ ქუგაშუეს-და, თე დროს თქვან ელექტრონულ ფოსტაშ მისამართშა ქეშქოტყვინუანა.

მუჟამს ონლაინ რეჟიმს შესაწირს ფარათ ღებულენთინ, ჩქი ფჩუანთ თქვან პირად მონაცემეფს –– სახელს დო საკონტაქტო ინფორმაციას. შესაწირეფიშ საკრედიტო ბარათეფით კეთებაშ დროს, გიმიბრინუანთ აკრედიტებულ ონლაინ გინოგაფაშ მომსახურებას, ნამუთ ხეს უნწყუნს პირად მონაცემეფიშ დაცვებას. ჩქი ვაფჩუანთ დო ხეშა მალაფარ ვა რე თქვან საკრედიტო ბარათიშ მონაცემეფი, ბანკიშ ანგარიშიშ ნომერეფ ვარდა თქვან ანგარიშიშ შხვა მონაცემეფი, ნამუთ მომსახურებაშ გიმორინაფაშ დროს მეუთითით. თინა, მით შესაწირს ღებულენსინ, ჩუანს ფინანსურ ტრანზაქციეფიშ ისტორიას არძაშ უჭიჭაშ ვით წანათ. თეშა მიშურს შესაწირიშ კეთებაშ რიცხვი, მეთოდ დო თანხა მუსხი რენ თინა. თე ინფორმაცია მოხვარუნა, დეფცვათ ბუღალტერიაშ აღრიცხვაშ სტანდარტეფი დო ქუპასუხათ თქვან არძანერ კითხვას თე დროშ დინახალე. ჩქი ვედგეკავშირებუთ დო ვამორთხინთ შესაწირეფიშ დოდვალას.

შეილებუნა გემშიჸუნათ პირად მონაცემეფი (სახელ დო გვარი, ელექტრონულ მისამართ დო ტელეფონიშ ნომერი) ხვალე შესაწირ გაკეთათ ვარდა ანგარიშ შექმნათინ თიშენ ვარინ, ბიბლიაშ უფასო გურაფაშ მოთხუალაშ დროს ხოლო. მომხმარებელიშ მონაცემეფ იჩუალუ ხვალე თი ვადათ, ნამუთ აუცილებერ რე მომხმარებელიშ მოთხუალაშ დაკმაყოფილებერო.

ინფორმაცია იჩუალუ ავტომატიზებულ აღჭურვილობაშ საშვალებათ, მუჟამსით ჩქინ ვებ-გვერდშა მიშურთ. თე ინფორმაცია იჩუალუაფ „ქუქის“ (Cookies), „ვებ-სიგნალეფს“ (web beacons) დო შხვა თეშნერ ტექნოლოგიეფიშ საშვალებათ. თე კონფიდენციალურ დებულებას მოჩამილ „ქუქი“ შხვადოშხვა ტექნოლოგიურ სისტემეფს გულისხმენს, მაგალთო, მუნერით რე ადგილობრივ მეხსიერება (“local storage”).

„ქუქი“: მუჟამსით თე ვებ-გვერდშა მიშურთ, თქვან პირად მონაცემეფ ქუქი-ფაილო იჩუალუაფ მობილურ ტელეფონს, ტაბლეტის ვარდა კომპიუტერიშ მყარ დისკის. არსებენს შხვადოშხვანერ კუნტა საინფორმაციო ფაილეფი (Cookies), ნამუთ შხვადოშხვა ფუნქციას ასრულენს დო აუჯგუშენს ვებ-გვერდიშ გიმორინაფას. ქუქი-ფაილეფიშ საშვალებათ ქიგებგენთ მიშართით დო ვარ ვებ-გვერდშა. თეშ გარდა თე ფაილეფს იჩუალუ ინფორმაცია თი პარამეტრეფიშ გურშენ, ნამუსით მომხმარებელ არძაშ უმოსო გიმირინუანს ვებ-გვერდშა მიშურსინ თი დროს. მაგალთო, „ქუქი-ფაილეფს“ იჩუალუაფ ინფორმაცია თიშ გურშენ, ნამ ნინაშა გონწყით ვებ-გვერდ, დო ირ მიშულაშ დროს თინა კინ თი ნინაშა გინწყუმუ. ქუქი-ფაილეფს იჩუალუაფუნ თი ინფორმაციას ვეგმიბრინუანთ რეკლამაშო.

ვებ-გვარდიშ ქუქი-ფაილეფ შემლებუნა დოფრთათ სუმ კატეგორიათ:

1. ძირითად ქუქი-ფაილეფი –– თე კატეგორიაშ ქუქი-ფაილეფი აუცლებერ რე თიშო, ნამდა ისარგებლათ ვებ-გვერდიშ ფუნქციეფით, მუნერით რე ვებ-გვერდის ავტორიზაციაშ მიკოულა ვარდა ელექტრონულ ფორმაშ შევსება. ქუქი-ფაილეფიშ უმშო ვეშკალებენა შესაწირიშ კეთება დო შხვა სერვისეფიშ მეღება. თე ქუქი-ფაილეფს გიმიბრინუანთ თქვანო საჭირო შხვადოშხვა მომსახურებაშო ვებ-გვარდით სარგებლუაშ დროს. ძირითად ქუქი-ფაილეფი ვაჩუანს თქვან პირად ინფორმაციას მარკეტინგშო დო ვემახსოვრენს, ნამ ვებ-გვერდშა მიშართითინ თის.

2. ფუნქციონალურ ქუქი-ფაილეფი –– თე ქუქი-ფაილეფი იმახსოვრენს თიცალ ინფორმაციას, მუნერით რე თქვან სახელი, ნინა ვარდა გიშაგორილ ადგილ. ფუნქციონალურ ქუქი-ფაილეფი აუჯგუშენს ვებ-გვერდიშ გიმორინაფას.

3. ანალიტიკურ ქუქი-ფაილეფი –– თე ქუქი-ფაილეფი ჩუანს ინფორმაციას, მუჭო გიმირინუანა მომხმარებელეფ ნამთინე ვებ-გვერდის. მაგალთო, იმახსოვრენს, მუსხი კოჩიქ მიშართ ვებ-გვერდშა დო საშვალოთ მუსხი ხანს რდუ თე ვებ-გვერდის. თე ინფორმაცია ვებ-გვერდიშ ფუნქციონირებაშ გასაუჯგუშებელო გიმირინუაფ.

ნამთინე ქუქი-ფაილეფი ჩქინ ვებ-გვერდის (პირველ პიჯი) ოკუთნუ, შხვა დანარჩენ –– შხვადოშხვა დომეინეფს (მასმა პიჯი). ჩქი გიმიბრინუანთ ხვალე პირველ პიჯიშ ქუქი-ფაილეფს, გამონაკლის შემთხვევას –– მასმა პიჯიშ ქუქი-ფაილეფს, მუჟამსით თინეფი Google reCAPTCHA-წკუმა რე დაკავშირებული. Google reCAPTCHA თიშო რე საჭირო, ნამდა გეგშეფჩინათ მომხმარებელი კოჩ რენ დო ვარ კომპიუტერი, თიშ გურშენ, ნამდა გეიფჩილითუათ ვამოსაჭირუნან ფერ ინფორმაციეფიშ (spam) ავტომატურო მეღება. ქორთხინთ, ქოძირათ Google-იშ კონფიდენციალურობაშ დებულება თუდო მოჩამილ ბმულს https://www.google.com/intl/en/policies/privacy/.

ვებ-სიგნალეფი: ნამთინე ვებ-გვერდის უღუ ელექტრონულ გამოსახულება, ნამუსით ვებ-სიგნალეფს უძახუნა. თინეფ თიშ საშუალებას მარზენა, დოფთვალათ მუზმაშა რდუ ძირაფილ კონკრეტულ გვერდი. ვებ-სიგნალეფს გიმირინუანა თიშო, ნამდა გეგმირკუან საიტშა მიშულირ პიჯეფიშ აქტივობა.

IP მისამართიშ გიმორინაფა: თენა რე კომპიუტერშა მეჩამილ ნომერი, ნამუსით ვებ-გვერდიშ მიშაჯინაშ დროს გიშეჩინენა. ჩქი IP მისამართის გიმიბრინუანთ, დუვადგინათ ვებ-გვერდშა მიშულირ პიჯეფიშ აქტივობა, ვებ-გვერდის შექმნილ პრობლემეფიშ ოძირაფალო დო ვებ-გვერდიშ ეფექტურო მართვაშო.

თქვან არჩევანი: ბრაუზერეფიშ უმენტაშის შეილებუნა გოთიშათ ქუქი-ფაილეფიშ ჩუალაშ ფუნქცია, ვარდა ჩართათ ფუნქცია, ნამუთ ქეშკოტყვინუანა, რდას დო ვარ ქუქი-ფაილეფი ჩუალირ თქვან მოწყობელობას. ქიგნაჯინით თქვან ბრაუზერიშ ინსტრუქციას, ნამდა უმოს ქიგეგათ თე ფუნქციაშ გურშენ. რშუდან, ქუქი-ფაილეფიშ უმშო სრულაშე ვაგასარგებლენა ჩქინ ვებ-გვერდიშ ფუნქციეფით.

ვებ-გვერდიშ ფუნქციონირებაშ გასაუჯგუშებელო გიმირინუაფ „ჯავასკრიპტი“, ნამუთ მომხმარებელს საჭირო ინფორმაციას მუშ დროს გინოჩანს. ვებ-გვერდის „ჯავასკრიპტი“ დღას ვეგმირინუაფ თქვან კომპიუტერს პროგრამეფიშ გიორინაფალო ვარდა თქვან პირად ინფორმაციაშ ოშაყარალო.

ვებ-გვერდიქ ჯგირო ქიმუშასინ თიშენ, შილებე ბრაუზერს პარამეტრეფიშ გასწორებაქ იჸუას საჭიროქ. მინ ბრაუზერს გოთიშილ რე „ჯავასკრიპტიშ“ ფუნქცია ნამთინე ვებ-გვერდშო. „ჯავასკრიპტიშ“ ჩართებელო ქიმიხვარეთ ბრაუზერს გეძუნ თი ინფორმაცია.

თე ვებ-გვერდით სარგებლუა უფასო რე. შეილებუნა უფასოთ გეგნიჭარათ პუბლიკაციეფი, ვიდეოეფი დო აუდიო ფაილეფი. თქვა ვემგეთხუებუნა ანგარიშიშ გონწყუმა, შესაწირიშ ვარდა თიცალ მუდგაინიშ კეთება, ნამუთ ითხინს პირად ინფორმაციაშ მეჩამას ვებ-გვერდით სარგებლუაშო. მარა ქუგონებუნა, დერეგისტრირათ ვებ-გვერდის, გაკეთათ შესაწირ ვარდა მითხუათ ბიბლიაშ უფასო გურაფა-და, ნამუთ პირად ინფორმაციაშ მეჩამას თხულენს, ოკო ოთანხმუდათ თე ვებ-გვერდიშ კონფიდენციალურობაშ დებულებას. თქვა ოკო გიჩქუდან, ნამდა სერვერს გედვალირ მონაცემეფიშ ბაზა რე ამერიკაშ შეერთებულ შტატეფს; თქვან პირად მონაცემეფიშ შაყარუას, დამუშებას, ტრანზაქციას დო ჩუალას, მუთ თქვა გოკონან ფერ სერვისიშ მიოღებელო რე საჭირონ, აწარმოენს ორგანიზაცია „გინაჯინალ კოშკი“, ნამუთ ხასლას ელოურე იეჰოვაშ მოწმეეფიშ საქმეს ბრელ ქიანას. პირად ინფორმაციაშ მიმაღებელ იჸი შხვადოშხვა პიჯი. მაგალთო, ნამდგაინ ქიანას იურიდიულ პიჯის შესაწირს ფარათ გინურიცხუნთინ, თქვან პირად ინფორმაცია გინაჩამუ თე იურიდიულ პიჯის გინორიცხუაშ პროცესის. მარა ბიბლიაშ გურაფას ითხინთ დო ელექტრონულ ფორმას ავსენთ-და, თქვან პირად მონაცემეფი ხეშამალაფარ იჸუაფ იეჰოვაშ მოწმეეფიშ ფილიალშო, ნამდა შეიოლებერქ ქიჸუას თქვანწკუმა დაკავშირებაქ.

ანგარიშიშ გონწყუმაშ, შესაწირიშ კეთებაშ ვარდა შხვა სერვისით სარგებლუაშ დროს საჭირო პირად მონაცემეფს ვემუთითენთ-და, თქვან მოთხოვნა ვეჸი დაკმაყოფილებური.

კონფიდენციალურობას დო ქუქი-ფაილეფს ოხუნ ფერ საკითხეფ დითირუნ-და, მუდგაქ ითირუნ თინა კინ თე გვერდის იჸუაფ გედვალირ. თეგვარო თქვა ირო იჸუაფუთ საქმეშ კურსის თი საკითხიშ გურშენ, მუ ინფორმაციას ფშაყარანთ დო მუჭო გიმიბრინუანთ.

კანონიშ დინახალე თქვა უფლება გიღუნა, გეგათ პირად მონაცემეფი, დოთირუათ თინა ვარდა დოლასათ თე მონაცემეფი. თე მომსახურება თქვან ქიანას შეიოლებრ ქორენ-და, თქვა თაქ საკონტაქტო ინფორმაციას ქოძირუნთ. გაკეთებულ შესაწირიშ გურშენ კითხვეფქ გოირჩქინდეს-და, ქორთხინთ, დეკავშირათ პიჯის, ნამუთ შესაწირს ღებულენს.