Mɛni nyɔmɔɔ a kɛ, mare-kɛɛ nua da gɛi ɓa, “Mɛnii ŋi e kɛ le mɛni ma?” Kulii nɛ̃ɛi a damaa a gɛɛ Ŋala-kɔlɔi e mare-kɛɛ ti sukula!

1. Le ɓe Setɔŋ e gɛ nyii pa a mɛni nyɔmɔɔ ŋeniɛi sui?

Setɔŋ nyii a Dɛɓelei e kula Ɣala woo mu. Setɔŋ e kɛ ŋwɛlii a gɛɛ nua dikɛ nyee mu, mɛni ma e gɛ nuu-kpunei maa-ŋuŋ Adaŋ da Ii dia maŋ di Ɣala woo pili. Setɔŋ e nyiŋi kɛ a lɛɛ kɛɛ Ii ma. (Zɛnɛse 3:​1-5) E gɛ Ii e gaa yɛɛ Ɣala e kɛ mɛni lɛlɛɛ ta looi ma. E kɛ nɛi dia a gɛɛ nuu-kpune lii a pɔri kɛi a nɛ̃ɛ da wala Ɣala woo mɛni. Setɔŋ e nyiŋi kɛ a lɛɛ kɛɛ Ii ma a gɛɛ ve pai saai. Mɛni ma, Ŋala-kɔlɔi e Setɔŋ toli a “lɛɛ nuu, gɛ ɓo ŋɔnɔ a lɛɛ naŋ.”​—Zɔŋ 8:​44.

2. Le ɓe Adaŋ da Ii di gɛi?

Ziova e sɛŋ lɛlɛɛ tamaa tɛɛ Adaŋ da Ii pɔ. E mo a gɛɛ da pɔri ŋuru-ŋai kelee zuai sui ɓa da mii, kɛlɛ dɔnɔ nɔ ɓe dife ma mii. (Zɛnɛse 2:​15-17) Adaŋ da Ii di Ziova woo pili di ŋuru-ɓai mii. Ii “e ma da kula e mii.” Naa polu ma, Adaŋ “nyaa maŋ e mii.” (Zɛnɛse 3:6) Di feerɛŋɔ di Ɣala woo pili. Ee Adaŋ da Ii dikɛ a dimaa waai, ve kɛ ni a gbanaŋɔɔ a gɛɛ di mɛni lɛlɛɛ kɛ. Kɛɛ tãi di gili la di Ɣala woo pilii, di sɔnyɔŋ kɛ, di nɛ a gɛɛ dife ŋwɛlii a Ɣala ŋɔkɛ-mɛi-laai. Mɛni-kpɛtɛɛ ti e pa a mɔ̃lɛ-laa tamaa dipɔ.​—Zɛnɛse 3:​16-19.

3. Le ɓe Adaŋ da Ii dimɛni-kpɛtɛɛ e gɛ a kua?

Tãi Adaŋ da Ii disɔnyɔŋ kɛ lai, dife ŋɔnɔ kɛ ni a dimaa waa, nyaŋ dilonii dia maŋ di sɔnyɔŋ sɔlɔ ɓo diyeei. Ŋala-kɔlɔi e mo nyɛɛi: “Nuu tɔnɔ ɓe pa a sɔnyɔŋ nɔii su, sɔnyɔŋ nyaŋ ɓe pa a saa. Mɛni ma saa a taa-taa nuu kelee ma, kpɛni fei, nuu kelee a sɔnyɔŋ kɛ.”​—Lomaŋ 5:​12.

Mɛni takpɛni-ŋa kaa naa nyii a pa a mɔ̃lɛ-laa kupɔ. Tãi taŋa mɛni-kpɛtɛɛ-ŋai kwa gɛi, da pa a mɔ̃lɛ-laa kupɔ. Tãi ta, nua takpɛni-ŋa dimɛni-kpɛtɛɛ-ŋai a pa a mɔ̃lɛ-laa kupɔ. Tãi ta, kwa mɔ̃lɛ kpɛni fei kwa kɛ kwaa nyɔmɔɔ ta ma a tãi maa fe nɛ̃ɛ ni kukɛ la naai.​—Ikilisiati 9:​12 lono.

 MƐNI TAMAA MAA-KƆRI

4. Nuui gɛi kukɛ mɔ̃lɛi

Nua tamaa laai la a gɛɛ ŋeniɛi kaa Ɣala ŋɔwala-walalaai mu. Tɔ̃ya ɓe ti? VILOI su kaa.

Zĩi 1:​13 da 1 Zɔŋ 5:​19 lono, gɛ ni ka lono e pilaŋ mare-kɛɛ ŋi ma:

• Ɣala ɓe mɔ̃lɛ-laai da mɛni nyɔmɔɔ-ŋai saa kɛi polu?

5. Mɛni-ŋai kaa Setɔŋ ŋɔkɛ-mɛi-laai aa pa lai

1. Adaŋ da Ii dikɛ a dimaa waa, nyaŋ dikɛ Paredai. Kɛɛ di diwoli tɔɔ Setɔŋ ma di kula Ziova woo mu

2.   Tãi di kula la Ziova woo mui, ŋeniɛi laa e naa fɛɛ a sɔnyɔŋ, mɔ̃lɛ-laa da saa

3. Ziova a pai sɔnyɔŋ, mɔ̃lɛ-laa da saa kperai. Nuu-kpune a pai ŋɔnɔ kɛi a maa waa, dikɛ ɓo Paredai

6. Ziova kpaaŋɔɔi mɔ̃lɛ-laai kwa tɛɛi zui mɛni ma

I laai la Ɣala kpaaŋɔɔi mɔ̃lɛ-laai kwa tɛɛi zui mɛni ma? Mɛnii kaa Galoŋ Deeɓe da zia-nuui Pitɛ di bɔ̃yɛi. Ŋule-wooi 31:7 da 1 Pitɛ 5:7 lono, gɛ ni ka lono e pilaŋ mare-kɛɛ ŋi ma:

• Ilii a kɛ leŋ ya gɔlɔŋ a gɛɛ Ziova a mɔ̃lɛ-laai kwa tɛɛi zui kaa, nyaŋ gbaaŋɔɔi kumɛni ma?

 MƐNI-ŊUŊ-ŊAI YAA MAA-KƆRII

Setɔŋ nyii a Dɛɓelei da nuu-kpunei maa-ŋuŋ Adaŋ da Ii ɓe pa a mɛni nyɔmɔɔ da mɔ̃lɛ-laa nɔii ma. Ziova kpaaŋɔɔi kumɔ̃lɛ-laai mɛni ma, nyaŋ a pai mɔ̃lɛ-laa kpɛɛi tãi kpua yee mu.

Gili-too-ŋa mare-kɛɛ-ŋai

• Lɛɛ kɛɛ leŋ ɓe Setɔŋ nyii a Dɛɓelei e gɛ Ii ma?

• Mɛnii Adaŋ da Ii di gɛi, le ɓe e pa la ku kelee kupɔ?

• Ku gɔlɔŋ leŋ a gɛɛ Ziova kpaaŋɔɔi kumɔ̃lɛ-laai mɛni ma?