Mang e ga ra yog?

• Arrogon

• Danga’

• Sana

N’en ni be yog e Bible

“I Got, ni Gubin ma Rayog rok e der ma rin’ e kireb; ma dariy ba ngiyal’ ni ma sasalap ngak be’!” (Job 34:12, BT) Gathi Got e ir e be k’aring e kireb nge gafgow ni gad be guy ni be buch u roy u fayleng.

Mang e ku rayog ni ngad filed u lan e Bible?

• Satan ni Moonyan’ ni ir e “en ni be gagiyegnag e girdi’ nu roy u fayleng” e ir e be k’aring e gafgow.​—John 14:30.

• Boor e kireb nge gafgow ni be buch ni bochan e pi n’en nib kireb ni ma mel’eg e girdi’ ni ngar rin’ed.​—James 1:14, 15.

Bay boch e girdi’ nib mich u wan’rad ni faanra chagil e girdi’ ngar maruwelgad u taabang, ma aram e rayog ni ngar chuweged e gafgow. Ma boch e girdi’ e yad ma lemnag ndariy e n’en nra rin’ me manigil e par u fayleng. Me gur, uw rogon u wan’um?

N’en ni be yog e Bible

Ra chuweg Got e gafgow. “Dab ku unim’, ma dab ki i kireban’uy, ma dab ku un yor, ma dab ku un amith.”​—Revelation 21:3, 4. 

Mang e ku rayog ni ngad filed u lan e Bible?

• Ra fanay Got Jesus ni nge chuweg e gafgow ni ke k’aring Moonyan’.​—1 John 3:8.

• Piin ni yad ba fel’ e yad ra par u fayleng u fithik’ e gapas ndariy n’umngin nap’an.​—Psalm 37:9-11, 29.