¡GUTANÁ! Núm. 2 2018 | 12 cosa ni zanda gacané familia stiluʼ guibani nayecheʼ
12 cosa ni zanda gacané familia stiluʼ guibani nayecheʼ
Tiempu riʼ nabé cayaca divorciar ca familia ca, peru ¿xiñee nuu familia ni nuu tobi si yaʼ? ¿Gunáʼ nga secretu ca?
Ndaaniʼ guidxi Estados Unidos, dede lu iza 1990 hasta 2015, guca divorciar stale binni ni napa 50 iza ne ca ni napa 65 iza la? jma guca divorciarcaʼ.
Nuu especialista ná naquiiñeʼ guni felicitar binni xiiñiʼ pur guiráʼ ni guni. Peru xcaadxi especialista ná caquiiñeʼ uguu jneza binni ca xiiñiʼ, ne pur guiráʼ ndiʼ la? maʼ qué guidxela ca padre ca xi gúnicaʼ.
Ora riniisi ca joven qué ridxélacaʼ xi gúnicaʼ.
Peru nuu ni zanda gaca.
Zanda guibani ca guendaxheelaʼ ca nayecheʼ ne xadxí.
Zanda guiziidiʼ ca padre ca gusiniisicaʼ ca xiiñicaʼ né guendarannaxhii.
Zanda gaca ca joven responsable ora guiniisicaʼ.
¿Gunáʼ nga secretu ca yaʼ? Lu revista riʼ zadúʼyanu 12 cosa ni zacané ti familia chuʼ nayecheʼ.
1. Ora maʼ bíʼniluʼ ti compromisu
Chonna conseju ni zacané ti guendaxheelaʼ cadi gaca divorciarcaʼ.
2. Laguni dxiiñaʼ juntu
¿Ñee nácatu ti guendaxheelaʼ ni nuu tobi si la? o zeeda gácatu casi chupa binni ni nabeza si ndaaniʼ ti yoo?
3. Gápanu respetu
¿Xi zanda gúniluʼ ne guiniʼluʼ para ganda guni sentir xheelaluʼ runi respetarluʼ laa
4. Laguni perdonar
¿Xi zacané lii para cadi gúʼyaluʼ puru si ra ruchee xheelaluʼ?
5. Guniʼné ca xiiñiluʼ
Chonna cosa ni zacané lii guidxíñaluʼ ca xiiñiluʼ.
6. Biʼniʼ disciplinar ca xiiñiluʼ
¿Ñee zuninaluʼ xiiñiluʼ pa guni disciplinarluʼ laa la?
7. Bisiidiʼ xiiñiluʼ guni ni jneza
¿Xi zanda gusiidiʼ ca padre ca xiiñicaʼ para gúnicaʼ ni jneza?
8. Bidii ti ejemplu galán ca xiiñiluʼ
Padre caʼ, pa racaláʼdxitu guzuubaʼ ca xiiñitu stiidxatu la? caquiiñeʼ gúnitu ni cusiiditu laacaʼ.
9. Naquiiñeʼ gánnaluʼ tu lii
¿Xi zanda guni ca joven para guni defendercaʼ ni runi crecaʼ?
10. Biyubi gapa binni confianza lii
Pa guni ganarluʼ confianza stiʼ bixhózeluʼ ne jñaaluʼ, zacaneni lii lu xquendanabániluʼ.
11. Nabé risaca gúniluʼ dxiiñaʼ
Pa joven lii, biʼniʼ xhiiñaluʼ né stale gana, nga zacané lii ugaandaluʼ guiráʼ ni quixhe íqueluʼ.
12. Gupa meta
Zápaluʼ jma confianza laca lii ora ugaandaluʼ ca meta stiluʼ, zacaneni lii gápaluʼ jma xhamíguluʼ ne ziuuluʼ jma nayecheʼ.
Xcaadxi cosa ni zanda gacané ca familia
Ca conseju zeeda lu Biblia zanda gacané familia stiluʼ guibánitu nayecheʼ.
