WIRIKAPAI 15
Da Nga Yesu?
Yesu nga boro sa dagba agu abaworimo aboro naini payo gbe rogo zegino. Ono wa vura duhe wo, aboro ini kina rimo ko gbua kuba gupai nga i ini dunga apai tipa pa ko, na dungu aboro du na dungu aberãpai tipa pa da du nzunzu nga Yesu. Ginipai Baibiri apehe tipa ko?
1. Da nga Yesu?
Yesu nga gu maraika du na bakere ome naraka ngbangbaturũ yo. Yekova Mbori akusi ko mbata fu ai he. Mbiko gupai re, i nayamba ko ‘nga bambata vungu fu agu ahe dũ i afu.’ (AKorosaio 1:15) Baibiri nafura tipa Yesu ki ya, ko nga ‘bangisa Wiri’ Mbori mbiko gupai nga kina Yesu sa Yekova ambakadiko ni tiko. (Yoane 3:16) Yesu amangisunge mbembedi na Bako nga Yekova, kini undo Ko ti kusa gu kura ahe. (Mo gedi Asanza 8:30.) Yesu nandu ku mbatayo kindi kaa gbia ngbarago ti mbembedi pagume na Yekova. “Pai” aamangasunge ni ruru ko ni gu boro nafura ku ba Mbori, kini peke ga Mbori apangbanga gbiati ga ko arugapai.—Yoane 1:14.
2. Tipagine Yesu aye ti ni ku auru kpotosende no?
Agarã wa 2,000 kusayo, Yekova amangisunge na gako ziazia toro ngba iiriwo gene ka aria ga Yesu raka ngbangbaturũ yo kurogo gu rukumbu yo nangia ga gu ngasu de rimo ri angia Maria. Ngba gi gene re du i avungu Yesu ni boro. (Mo gedi Ruka 1:34, 35.) Yesu aye ku zegino ka du ni gu Masiya i akido pako watadu Kristo, na ka batasa aboro. a Agu asangbaanebi dunduko du rogo Baibiri nabi pa Masiya aima digiso tihe tipa ko, na gipai re asa aboro i ini Yesu ni ‘Kristo nga Wiri gu Mbori du ni ungako.’—Matayo 16:16.
3. Wari du Yesu ni awere?
Tingbafuo ga Yesu raka digi ni boro, i azingisi ko ni toro, na ko ki ga ku ngbangbaturũ yo. Yo du ‘Mbori akiisi pako ni gbe. (AFiripoio 2:9) Awere, Yesu na gu bakerepa bangiriba nga ga pagbia nga kadu ni ue boro fuo Yekova.
MO WIRIKI KURA DUNGU APAI
Mo bi kura dungu apai tipa pa da du nzunzu nga Yesu na ndu gupai du wirikapai ti ni tipa ko na nyanyakipaha.
4. Anga Yesu nga gu Mbori Du na Tanduapai Dũ te
Baibiri nayugo gupai nga wa vura duhe nga Yesu nga gu toro du na bakere ome tiko ngbangbaturũ yo, ko kutii be Bako nga Yekova Mbori. Tipagine rengbe ani ka pehe ti ni wo? Mo bi gu VIDIO re tipa ka bi gupai Baibiri ayugoho tipa ga Yesu bangiriba na ga gu Mbori du na tandu apai dũ.
Agi averesi re naundo rani tipa ani rugu tirani na gu pagume du dagba Yekova na Yesu. Mo gedi averesi ni basasa, na tifuoho, mo ki sakipai tipa agu asanahe ngbefuoho.
Mo gedi Ruka 1:30-32.
-
Wai du Maraika asakipai tipa gu pagume du dagba Yesu na Yekova Mbori, “nga Bahe” Kisusi?
Mo gedi Matayo 3:16, 17.
-
Ti regbo ga Yesu bapatiza gu fugo naye ngbangbaturũ yo aya wai?
-
Mo naberã ha nga fugo da du nadu?
Mo gedi Yoane 14:28.
-
Da nga unvuru na du na bakere pagbia be ni? Ba boro watadu wirini?
-
Yesu ayambu Yekova nga Bako, ginipai gipai re ayugoho furani?
Mo gedi Yoane 12:49.
-
Ya mo Yesu naberãha nga ko gbiati Bako nga bangisa boro? Ginipai mo aberãha?
5. Yesu ayuguhe nga ko nga Masiya
Baibiri na badungu sangbaanebi rogoho nga gu naundo aboro i ini Masiya—nga gu boro Mbori nasia ni ni batasi aboro. Mo bi gu VIDIO re nga gu nayugo bete apai tipa gu sangbaanebi nadigisi tihe tipa Yesu ho ko aye ni ku auru kpotosende no.
Mo gedi gu sangbanebi du rogo Baibiri re, na tifuoho, mo ki sakipai tipa agu asanahe ngbe tifuoho:
Mo gedi Mika 5:2 tipa ka ino wari si adu nga i nika vunga Masiya ni. b
-
Ya mo pa vunga Yesu adigisi gi sangbanebi re?—Matayo 2:1.
Mo gedi Atambuahe 34:20 na Zekaraya 12:10 ka bi gu futufutuapai i agumbapaha ni sangbanebi tipa pakpio Masiya.
-
Ya mo gi sangbanebi re adigisitihe?—Yoane 19:33-37.
-
Ya mo mo nabihe nga Yesu aima rengba ka du na maapai ku riipa digiso sangbanebi sa dagba agu asangbaanebi re?
-
Ginipai gipai re ayugoho foro tipa Yesu?
6. Ani nagbia undo ti wirikapai tipa Yesu
Baibiri nagumba gupai nga si ni nyanyakipa pai ka wirikapai tipa Yesu gbiati gupai Mbori aida ko mangihe. Mo gedi Yoane 14:6 na 17:3, na tifuoho, mo ki sakipai tipa gi sanahe re:
-
Tipagine du he ti ni ni nyanyakipa pai ka wirikapai tipa Yesu?
Yesu azaki gine fu aboro tipa i da ni abakurea Mbori. Ko ayugu rengo tipa Yekova na mbiko ko, ani ima rengba ka gbia nyenye unga
GU KURA ABORO NAPE GUPAI NGA: “ADezire Yekova aidanga kuti Yesu te.”
-
Waigu rengbe mo ka karagapai?
GINIPAI MO NAWIRIKIHE?
Yesu nga gu toro du na ome. Ko nga Wiri Mbori ki du ni Masiya.
Fugöpai
-
Tipagine i ayamba Yesu ti ni “nga bambata vungu fu agu ahe dũ i afu”?
-
Ginipai Yesu amangihe mbata fu ko ye ku auru kpotosende no?
-
Wai du ani ainoho nga Yesu nga Masiya?
MO WETEKE GU KURA APAI
Mo wiriki dungu apai tipa pa wai ini ani gupai nga Yesu nga Masiya.
Mo bingoho singia Baibiri nayugo gupai nga Mbori ada ni ba Yesu kina wai boro naavunga gude.
“Tipagine I Ayamba Yesu Ti ni Nga Wiri Mbori?” (Gu kekeapai du rogo gaani bangiriba nga ga Internet)
Mo bingo ndu gupai adunga Tirinita ti ni ni gu yugopai nga ga Baibiri ya.
“Ya Mo Yesu Nga Mbori?” (Ngbaõbambu Sinziri, Zerekpe 1, 2009)
Mo gedi nga pai tipa pa wai raka de aˈaria tihe tingbafuo ri wisigipai tipa pa gupai Baibiri apehe tipa Yesu.
“De ni Yudo Nasakapai Tipa pa Ndu Gupai Nasa ri ri Wisigi ga Ri Idapase” (Awake!, Merekoko 2013)
a Gu wirikapai nga ga 26 na 27 nika fura tipa pa ndu gupai wiri aboro aida gupai nga i batasi yo ti ni na wai Yesu abatasi rani.
b Mo bi gu 2 rukutu kekeapai du ti digido gi buku re ka bi gu sangbanebi nga gu nagumba pa gu regbo nzunzu si adu nga Yesu nika ye ku auru kpotosende.
