“Bayee Aboro Adía Kumbo Ringara”
Badungu rani ima bi iraira sarangbanga gbiati agu aboro naasada ka manga gupai du ni ruruhe. Ya mo regbo aduho iraira sarangbanga gbiati gbegberẽ apai nikaa dunga ya?
Atambuahe 37 Ziazia Kekeapai nafu karagapai gbiati rugaapai furani areme. Mo bingo gupai si apehe tipa gi nyanyakipa asanahe re.
Wai gu si aida ani mangipai na agu aboro naimisa rani?—Veresi 1, 2.
Ginipai nika manga tipa gbegberẽ aboro? —Veresi 10.
Ginipai nika manga kumbatayo fu agu aboro namanga rurupai?—Veresi 11, 29.
Ginipai si aida ani mangihe awere?—Veresi 34.
Agu afugo Atambuahe 37 ga Mbori toro adu kugiipa kehe re nayugopa wene raka kumbatayo fu agu aboro ‘nasúngudo Yekova, kini ka kuti gako pai.’ ADezire Yekova nika du na ngbarago ka undo ro mo wisigi Ziazia Kekeapai na ka undo ro mo ini gupai rengbe mo ka mangaha tipa ka sa raka kumbatayo si du foro gbiati gamo aboro ni ndikidi pai.
Gere Ima Rengba a ka Ngba Tiro
AGU APAI DU TIPA RANI
Gupai Si Aida Mo Wiriki Ziazia Kekeapai Ti Ni
Ziazia Kekeapai nakaragapai fu dungu amirioni aboro rogo zegino kuti gu nyanyaki asanahe nabipa raka. Ya mo asanahe ngbaro mo aida gaha akaragapai?
NGBAÕBAMBU SINZIRI
Gupai Mbori Nika Mangaha Tipa GbegberApai
Ya mo pa raka wene aboro rogo gu zegino gbegberapai nika du nga rogoho ya ima ngba tiro?
