Ginipai Ziazia Kekeapai Agumbaha?
Ya mo Mbori nadegatuko kuti akparakpee dunduko?
MO RENGBE KA YA KARAGA PAI NGA . . .
Fu aboro dunduko
Fu bete aboro
Watadu ko adeganga tuko fu boro te
GUPAI ZIAZIA KEKEAPAI AGUMBAHA
“Yekova du mbembedi na agu yo dunduko nakpara fu ko . . . ni rengo.”—Atambuahe 145:18.
GU KURAAPAI ANI AWIRIKAHA ROGO ZIAZIA KEKEAPAI YO
Mbori adeganga tuko kuti gu kpee nga ga agu aboro nasamungu kuti ko te. (Yesaya 1:15) Wa vura duhe wo, i rengbe ka ‘sakapai’ na ko ka i aria gayo agene.—Yesaya 1:18.
Tipa Mbori karagapai kuti kpee, si naida si du ringbisihe kuti agu apai ko aidaha wa duhe rogo Ziazia Kekeapai.—1 Yoane 5:14.
Ya mo kparakpara ba kinaho si aida ani kpari rogoho?
KURA ABORO IDI KUTI GUPAI NGA si naida i kuku akuko, ki nugodi riyo kusende, watadu ki kutukpa beyo ho i akpara ni. Ga mo bipai nga gine?
GUPAI ZIAZIA KEKEAPAI AGUMBAHA
Mbori adegetuko kuti gu kpee nga ga agu aboro na “sungu” na “ru ku ari” watadu aguyo na “niti ku sande” watadu aguyo na “kuku.” (1 Pekapai 17:16; 2 Pekapai 30:27; Ezara 10:1; Amokedi 9:40) Ko aidanga kina kparakpara ba tipa ka kpara fuko te.
GU KURAAPAI ANI AWIRIKAHA ROGO ZIAZIA KEKEAPAI YO
Mbori nadegatuko fu aboro umbasitise.—Atambuahe 138:6.
Mo ima rengba ka kpara rogo ai fugo na zavura kukiri. —2 Pekapai 6:32, 33; Nemaya 2:1-6.