¿Ma goity toibtica xfamilo o ximiglo la? Órni cadudylo ló galrrioʼob rodann cú sigory ranabdiitzlo: «¿Xí racno órni raityno? ¿Labúu guibiʼya xfamila né ximiga ni ronladxi la?». Ló lesiony reʼ né ló stoib lesiony ni sieed sienno mod racapy la Biblia né mod rasialdóni xcalnabanyno.

1. ¿Xí racno órni raityno?

Jesús goniʼ que galgoity nacni xomod toib bacaʼal. Órni toib buñ natiasygoluʼ diti nanbu xi cayac ro naxbu. ¿Xigony labúu guinino que galgoity nacni xomod toib bacaʼal? Órni toib buñ raity ma diti radudybu ló galrrioʼob né ma diti noʼ xi rasacbu. La Biblia ná que «gueʼet diti nan xitcal» (bíil Eclesiastés 9:5).

2. ¿Ximod racnéni lóono órni ma nanno xi racno órni raityno?

Xidal buñ radzuiby galgoity né gueʼet. Pal rasaclo modreʼ, ni rasetlaa la Biblia labúu guisialdó xcalnabanylo. Jesús goniʼ: «Ni nigolú salaa lóoto» (Juan 8:32). La Biblia diti rasuidy que toib buñ nap toib alma ni diti raity. Por ngú, labúu guienno que órni toib buñ raity diti radudybu ló galrrioʼob. Gueʼet diti rien por ngú diti noʼ ni labúu gonyibu lóono. Gueʼet diti nanyibu xitcal, por ngú diti labúu gonyibu mal lóono. Por ngú diti raquiin guienno gueʼet, nili guinabno Dios gacné layibu.

Noʼ tipnés buñ ni ná que labúu raninéyibu gueʼet, per diti labúu gacni scú. Xomod ma bienno, «gueʼet diti nan xitcal». Buñ ni ná que raniné xfamil ni ma goity, ni caninéyibu ngú demony ni rony suusi ñacyibu buñ ni ma goity. Ni ma nanno xi rac né buñ ni ma goity ralaani lóono de demony. Jehová ná gapno cuidad diti guininéno buñ ni ma goity, portín nanbu pal raninéno demony nacni toib riesga (bíil Deuteronomio 18:10-12).

3. Ni rasaclono órni raityno

Ló guidopynac Gudxlio xidal buñ gadzé mod rony crer ni rasaclóo buñ órni ma goity. Ni ronyibu crer diti nigolúni.

• ¿Xí láani rony crer buñ lagary ro rabéslo ni rac né gueʼet?

 4. Ni nanno xi rac né buñ ni ma goity ralaani lóono

Ni ma nanno xi rac né gueʼet ngú racné lóono par diti guidzuibyno gueʼet. Colgoʼol Eclesiastés 9:10 né colgooy xtiitzni:

• Buñ ni ma goity, ¿labúu gonyibu mal lóono la?

Xcalrrasuidy la Biblia racnéni lóono par diti gonyno cuenunysi cós par diti guitzuiby gueʼet lóono. Colgoʼol Isaías 8:19 né Apocalipsis 4:11, né colgooy xtiitzni:

• Xpensarylo, ¿ximod rasac Jehová órni buñ rien gueʼet o rayopyibu xcalrracné gueʼet?

5. Ni ma nanno xi rasaclóo gueʼet, rasialdóni xcalnabanyno

Xidal buñ ma bisuidy que órni gaityibu sadudyibu ló galrrioʼob por guirá cós mal ni ma bunyibu. Per rabaladxno ni ma nanno que diti noʼ chú sadudy ló galrrioʼob órni ma goity, nili buñ ni buny cós mal. Colgoʼol Romanos 6:7 né colgooy xtiitzni:

• Mod ná la Biblia, buñ ni ma goity ma godudy scásiʼ xcalkié. Xpensarylo, ¿buñ ni ma goity cadudyibu ló galrrioʼob xtol xcalkiéyibu la?

Laʼga más rimbuno Jehová más rientzaayno que láabu diti ratudybu buñ ni ma goity ló galrrioʼob. Colgoʼol Deuteronomio 32:4 né 1 Juan 4:8, né colgooy xtiitzni:

• Dios ni nap xidal cualidades mod ritlaa ló versículos reʼ, ¿ratudybu buñ ló castig la?

• Nálo que ni ma nanno xi rac né buñ ni ma goity, ¿rasialdóni xcalnabanyno la? ¿Xigony?

 ¿XÍ BISUIDYLO?

Órni toib buñ raity, cuti biloxni. Buñ ni ma goity diti radudyibu ló galrrioʼob nili ronyibu mal buñ.

Repas

• ¿Xí racno órni raityno?

• ¿Ximod racnéni lóono ni ma nanno xi rac né buñ ni ma goity?

• ¿Xigony ni ma nanno ni rac né buñ ni ma goity rasialdóni xcalnabanyno?