¿Xigony guisuidyno la Biblia?
La Biblia nacni toib libro ni más ragaisy ló nareʼ. ¿Ma bíil lo láani toibtica buelt la? Xilitz la Biblia ma gocnéni xidal clas buñ né napyibu confianz ni rasetlani. Ná scú nacni, noʼ xidal buñ ni yása goʼol la Biblia, né noʼ stipnés —ná raluladxyibu lóo Dios o yaca— nainy layibu goʼolyibu láani. Pal rasaclo scúca, follet reʼ sacné looy par salólo guimbulo láani.
ANTES de salólo goʼol lo láani raquiin ganlo tipnés cós. La Biblia láaca rimbuno láani xomod Santas Escrituras né napni 66 libriyen. Primer libro laa Génesis né último libro ni sitnéni laa Revelación, o Apocalipsis.
¿Chú bisaʼ la Biblia? Galrranabdiitz reʼ nigolú rasac ganno láani. Más de cuarent buñ bicaʼ 66 libriyen ni napni ló tipmil xhoopgayoʼ íz. Ná buñ bicaʼ láani ni toib de layibu goniʼ que bisaʼ láani. Toibbu goniʼ: «Guirá ni caa ló la Biblia sieedni de Dios» (2 Timoteo 3:16). Né stoib goniʼ: «Espíritu xtuny Jehová biquiin naʼ par guiniya, né xtiitzbu goyoʼni ló lodxi» (2 Samuel 23:2). Mod raduidyno cuent, buñ ni bicaʼ la Biblia goniʼyibu que Jehová Dios, ni rony mandary guibá né Gudxlio nac ni bisaʼ la Biblia. Ló la Biblia rasetlaa que Dios biscadbu láani par guimbuno láabu.
Láaca rasac ganno xí tema nap la Biblia: Dios sagoʼ toib Gobierno lainy guibá né buñ gap respet né ganyibu que nosi Jehová labúu gony mandary. Laʼga cayoʼol lo follet reʼ saduidylo cuent que ndeʼ rasetlaa guidopyca la Biblia, de Génesis a Revelación.
Raruʼdo looy gonylo pensary ló ndeʼ laʼga cayoʼol lo follet reʼ, ni rasetlaa de la Biblia, libro ni más rasac guimbuno.
^ Noʼ xidal mod ni guicaʼno dzú né íz. Ló follet reʼ guiquiinno diitz antes de xtzúno (a.x.) né ló xtzúno (l.x.). Ñeʼ guirá guiich reʼ sadzelo láani modreʼ a.x. né l.x.
Sigory láaca sioladxlo ndeʼ
DE LÓODO
¿Xigony guisuidyno la Biblia?
La Biblia cayacné a xidalguixo buñ ló guidopynac Gudxlio par guidzelyibu guirá galrranabdiitz ni más rony buñ. ¿Nainy looy gaclo toibtica de layibu la?
