Ló beʼo july íz 2022, góc nalaʼgolu ló guidopynac Gudxlio:

•   «Ló beʼo july reʼ buñnan ni noʼ China radudy abís casi 70 gudx que nigolú cayacxiroʼ galnalaʼ» (25 de july íz 2022, CNN Wire Service).

•   «Xtol galnalaʼ ni cayac niis Europa ló xidal gudxrop cayaʼij laidy dainy» (17 de july íz 2022, The Guardian).

•   «Dzú doming xidal gudx ni noʼ Estados Unidos góc nalaʼgolu más que nírcu lad Este né lad Sur» (24 de july íz 2022, The New York Times).

 ¿Xí radudyni diitz? Ndeʼ radudy diitz que ma diti labúu sabany buñ ló Gudxlio. ¿Xí ná la Biblia?

 Scú. Galnalaʼ ni cayac nigoreʼ noʼni de acuerdo né ni ná la Biblia gac ló naareʼ. Por ejemplo Jesús goniʼ que «sioʼ cós nadzuʼpy» né cós ni diti ma goyoʼ ór bibiʼ buñ (Lucas 21:11; Traducción del Nuevo Mundo). Xtol galnalaʼ ló guidopynac Gudxlio xidal buñ radzuiby que guirá cós ni cayony buñgudxlio labúu gonyni que ma diti labúu guibanyno ló Gudxlio.

 Yaca. Dios bisaʼ Gudxlio par nabany buñ loni por tipzó (Salmo 115:16; Eclesiastés 1:4). Dios diti sadudybu lagary que buñgudxlio guinitló láani. Xalagary ngú sanitlóbu «guirá buñ ni caxin ló gudxlio» xomod ma goniʼbu láani (Apocalipsis 11:18).

 Guibiʼno chop profecías ni raslooy xi ná Dios gony né Gudxlio reʼ:

•   «Yoolaʼ né yoovich sabaladx, né láach ni nabich sioʼ nakit né siálni xomod riál azafrán» (Isaías 35:1). Dios diti sadudybu lagary que Gudxlio reʼ gacni toib yoovich ro diti labúu tzoʼ galnabany, xalagary ngú sonytzaaybu guirá ro ma bixin.

•   «Looy ranlo gudxlio né ronylo que guirá ni noʼ loni guicaani» (Salmo 65:9). Dios sonybu Gudxlio reʼ toib lagary móz.

 Par ganlo más ximod ni cayac nalaʼgolu radzakni né ni ná la Biblia, bíil artículo ni laa, «¿Qué dice la Biblia sobre el cambio climático y nuestro futuro?».

 Par ganlo ximod ná la Biblia gac copy ló Gudxlio reʼ, bíil artículo ni laa, «¿Quién salvará el planeta?».