Guirá ni ronydo crer rareʼni nosi ló ni ná la Biblia. Por ngú, conforma rientzaaydo láani, ratzaʼdo ni ronydo crer. a

 Diitz ni sieed ló Proverbios 4:18 racnéni lóodo guientzaaydo xigony raquiin guitzaʼdo ni ronydo crer: «Xinés buñtzay nacni xomod galnaní de rosil, ni rioní dxoga dxoga dada guionídxich». Ni radudy diitz que xomodca galnaní de rosil raslooyni mod nac guirá cós dxoga dxoga, Dios dxoga dxoga rabeʼ xilatbu galnigolú a xpiimbu, xorpani (1 Pedro 1:10-12). La Biblia goniʼ que Dios ñony láani más naguel «ló dzú ni ma guidubylagaʼ» (Daniel 12:4).

 Diti non guidziguiaʼno nili tzoʼno ló galrrasaʼ ni rac guirá ndeʼ. Xpiin Dios ni bibany ló dzú ni see láaca bunyibu pensary de toib mod ni diti galán né biquiin natzaʼyibu mod bunyibu pensary.

•   Moisés goniiny nalaa israelitas cuarent íz antes ni nadxin tiemp ni goniʼ Jehová gony láani (Hechos 7:23-25, 30, 35).

•   Apóstoles diti bientzaayibu profecía ni goniʼ que Mesías non ñaity né ñás lad gueʼet (Isaías 53:8-12; Mateo 16:21-23).

•   Tipnés cristianos ni goyoʼ ló siglo primero, bichéyibu órni goniʼyibu xi dzú nadxin xtzú Jehová (2 Tesalonicenses 2:1, 2).

 Conforma godudy tiemp, Dios buny corregirbu mod buny pensary xpiimbu ló dzú ni see. Né ranabdo láabu gonybu ngúca né lóodo (Santiago 1:5).