Xidalguixo buñ rasuidy roʼol né racaʼ
Ló íz 2011 más de 5.700 buñ ma bisuidy bíil né bicaʼ né xcalrracné testigos xtuny Jehová.
Ghana.
Ló veinticinco íz ni ma godudy más de 9.000 buñ de gudx Ghana ma labúu racaʼ né roʼol por xcalrracné testigos xtuny Jehová.
Zambia.
Dada íz 2002, gahxca 12.000 buñ ma más labúu roʼol né racaʼ. Toib buñgonaʼ ni nap 82 íz ni laa Agnes raniʼ scareʼ: «Órni godudy anunys lainy congregación que ma saló toib scuel ro guisuidy buñ goʼol né guicaʼ nigolú bibaladxi né goyoʼya ló scuel cú. ¡Nigolú gosac sacroya órni gosaló bicaʼya laaya primerdiguieʼ dzú!».
Perú.
Toib ni riee ló scuel reʼ ni nap 55 íz bicaʼ: «Bixiosa diti bixelbu naʼ scuel, né por ngú diti godudyni ló xpensary nacaʼya ló guiich».
Mozambique.
Ló quince íz ni ma godudy, ma bisuidydo más de 19.000 buñ goʼol né guicaʼ. Toib buñgonaʼ ni riee scuel ni laa Felizarda goniʼ: «Nigolú rabaladxi portín ma labúu radzela textos ló la Biblia né roola láani par guicadiag buñ. Nírcu nigolú gosac nagana láani».
Islas Salomón.
Betel ni noʼ lagary reʼ raniʼ: «Nírcu xidalgoluʼ buñ ni golés nigolú sit, diti labúu goyeeyibu scuel. Láaca tidxósi mbioxgonaʼyen goyee scuel. Né por ngú ni ma noʼ scuel reʼ xidal buñgox ma labúu racaʼ. Órni ralox scuel reʼ rapyibu más confianz en láacayibu».