Psalms 6:1-10
Vir die musiekleier: Moet met snaarinstrumente begelei word wat op Sjeminit* ingestem is. ’n Melodie van Dawid.
6 O Jehovah, moet my nie in u woede teregwys nie,en moet my nie in u woede dissiplineer nie.+
2 Betoon genade aan my, o Jehovah, want ek word al hoe swakker.
Genees my, o Jehovah,+ want ek* bewe.
3 Ja, ek is baie ontsteld,+en ek vra u, o Jehovah: Hoe lank sal dit wees?+
4 Kom terug, o Jehovah, en red my.+
Red my ter wille van u lojale liefde.+
5 Want in die dood praat niemand oor u nie.*
Wie sal u in die Graf* loof?+
6 Ek het moeg geword omdat ek so baie sug.+
Die hele nag laat ek my bed swem in die trane.
My rusbank is oorstroom deur my gehuil.+
7 My oog het swak geword as gevolg van my hartseer.+
Dit het dof* geword weens al my vyande.
8 Gaan weg van my af, almal van julle wat goddeloos optree,want Jehovah sal hoor hoe ek huil.+
9 Jehovah sal my smeekgebed hoor.+
Jehovah sal my gebed aanvaar.
10 Al my vyande sal verneder word en moedeloos word,en hulle sal skielik in skande terugtrek.+