Do gbe ɖaɖa yí adra do nywiɖe. Biɔ le gbedodoɖa mɛ mɔ ye susu le nɔ nyɔ ci yejikɔ anu ji, ŋgbenyi yeŋtɔ ji o. Ao susu le nɔ enyɔ vevi ciwo yí èjikɔ anu ji. Nu susu lɔwo le eoŋtɔ nyɔgbewo mɛ; ŋgbenu nyɔ lɔwo shigbe lé woŋwlɛn wo do wema ji kpoŋ nɛ o.

Xo nuxu so ji mɛ. Bu tamɛ kpɔ so enu ci yí taɖo ele mɔ ao nyɔsetɔwo ase nyɔ lɔ. Ao susu le nɔ wo ji. Gbesɔ kpe niɔ, lé ènɔ te do, yí wakɔ alɔ koɖo ŋmɛ do le ao nuxuxoxo lɔ mɛ, ɖo adasɛ vividodoamɛnu koɖo exlɔnyinyi ci yí so ji mɛ.

Ao ŋkuvi le nɔ ao nyɔsetɔwo ji. Kpɔnɔ ŋmɛ nɔ ao nyɔsetɔwo nɔ wowɛni ahan le míwo gbɔ. Nɔ ènakɔ nuxuɔ, kpɔnɔ ŋmɛ nɔ enyɔsetɔ ɖekaɖeka hweɖewonu, ŋgbenyi anyinɔxu lɔ gbajaa doju o.