Dra do nywiɖe. Bu tamɛ so enu ci yí taɖo woŋwlɛn enu lɔ nu. Ŋgbehlɛnnɔ enyɔgbe lɔwo ɖekaɖeka o, te kpɔ ahlɛnnɔ wo do nɔnɔnu tiin keke ama do eo. Ŋgbena nɔ enyɔgbe bu aɖo enuhlɛnhlɛn lɔ mɛ o, alo ebu ɖe ato le mɛ o; ŋgbeyɔ nyɔgbe ɖe do ebu tɔxu o. Le ŋkuvi do gbɔndomɛjeshiwo pleŋ nu.

Yɔ nyɔgbe ɖeshiaɖe nywiɖe. Nɔ denya lé àyɔ nyɔgbe ɖe doɔ, ji kpɔ le enyɔgɔnmɛɖeɖe wema mɛ, alo ɖo to enuhlɛnhlɛn ci wole do ka ji ɖe, alo nu nɔ enuhlɛntɔ bibi ɖeka nɔ akpedo eo nu.

Xo nuxu nywiɖe. Kɔ ta yi ji ake nu nywiɖe keŋ ayɔnɔ enyɔgbe lɔwo nɔ woato petii. Je agbla ayɔnɔ nyɔkui lɔwo nywiɖe.