የአምላክ መንግሥት ንጉሥ ኢየሱስ ነው።

ሉቃስ 1:31-33፦ “ስሙንም ኢየሱስ ትዪዋለሽ። እሱም ታላቅ ይሆናል፤ የልዑሉም አምላክ ልጅ ይባላል፤ ይሖዋ አምላክም የአባቱን የዳዊትን ዙፋን ይሰጠዋል፤ በያዕቆብ ቤትም ላይ ለዘላለም ንጉሥ ሆኖ ይገዛል፤ ለመንግሥቱም መጨረሻ የለውም።”

ኢየሱስ በዋነኝነት የሰበከው ስለ አምላክ መንግሥት ነው።

ማቴዎስ 9:35፦ “ኢየሱስም በምኩራቦቻቸው እያስተማረ፣ የመንግሥቱን ምሥራች እየሰበከ እንዲሁም ማንኛውንም ዓይነት በሽታና ማንኛውንም ዓይነት ሕመም እየፈወሰ በየከተማውና በየመንደሩ ይዞር ጀመር።”

ኢየሱስ የአምላክ መንግሥት የሚመጣው መቼ እንደሆነ የሚጠቁም ምልክት ለደቀ መዛሙርቱ ነግሯቸዋል።

ማቴዎስ 24:7፦ “ሕዝብ በሕዝብ ላይ፣ መንግሥትም በመንግሥት ላይ ይነሳልና፤ በተለያየ ስፍራ የምግብ እጥረትና የምድር ነውጥ ይከሰታል።”

በአሁኑ ጊዜ የኢየሱስ ደቀ መዛሙርት በዓለም ዙሪያ ስለ አምላክ መንግሥት እየሰበኩ ነው።

ማቴዎስ 24:14፦ “ይህ የመንግሥቱ ምሥራች ለብሔራት ሁሉ ምሥክር እንዲሆን በመላው ምድር ይሰበካል፤ ከዚያም መጨረሻው ይመጣል።”