ምን ብለህ ትመልሳለህ?

• አዎ

• አይ

• እኔ እንጃ

መጽሐፍ ቅዱስ ምን ይላል?

“ይሖዋ ለችግረኛው እንደሚሟገትና ለድሃው ፍትሕ እንደሚያሰፍን አውቃለሁ።” (መዝሙር 140:12) የአምላክ መንግሥት በምድር ላይ ፍትሕ ያሰፍናል።

መጽሐፍ ቅዱስ የሚያስተምረው ሌላስ ነገር አለ?

• አምላክ በዓለማችን ላይ ያለውን የፍትሕ መጓደል ይመለከታል፤ እንዲሁም እርምጃ ይወስዳል።—መክብብ 5:8

• አምላክ ፍትሕን ሲያሰፍን በምድር ላይ ሰላምና ደህንነት ይሆናል።—ኢሳይያስ 32:16-18

አንዳንዶች ምን ብለው ያምናሉ? አንዳንዶች አምላክ የተወሰኑ ዘሮችን እንደባረከ፣ ሌሎቹን ደግሞ እንደረገመ ይሰማቸዋል፤ አምላክ ሰዎችን ሁሉ በእኩል ዓይን እንደሚመለከት የሚያምኑም አሉ። አንተስ ምን ይመስልሃል?

መጽሐፍ ቅዱስ ምን ይላል?

“አምላክ [አያዳላም]፤ . . . ከዚህ ይልቅ ከየትኛውም ብሔር ቢሆን እሱን የሚፈራና ትክክል የሆነውን ነገር የሚያደርግ ሰው በእሱ ዘንድ ተቀባይነት አለው።” (የሐዋርያት ሥራ 10:34, 35) በአምላክ አመለካከት ሰዎች ሁሉ እኩል ናቸው።

መጽሐፍ ቅዱስ የሚያስተምረው ሌላስ ነገር አለ?

• መጽሐፍ ቅዱስ ለሁሉም “ብሔር፣ ነገድ፣ ቋንቋና ሕዝብ” የሚሆን “ምሥራች” ይዟል።—ራእይ 14:6