¿DIOSASAJJ...

• taqe oracionanakti istʼpacha?

• yaqhep oracionanakakti istʼpacha?

• janit oracionanak istʼkpacha?

BIBLIAJJ AKHAM SIWA

‘Jehová Tatitojj artʼasirinakapan jakʼapankaskiwa, cheqa chuymampi artʼasirinakapan jakʼapana’ (Salmo 145:18).

BIBLIAJJ AKHAM SASKAKIWA

• Khitinakatï yatkasin jan walinak lurapki ukanakan oracionanakap janiw Diosajj istʼkiti (Isaías 1:15). Ukampis taqe chuyma arrepentisipki ukanakajj wali sum Diosampejj apasipjjaspa (Isaías 1:18).

• Diosan mayisitanakas istʼañapatakejja, munañaparjamaw Diosar mayisiñasa, mä arunjja, Bibliajj yatichki ukarjamaw orasiñasa (1 Juan 5:14).

JAQENAKAJJ AKHAM SAPJJEWA Diosarojj qonqortʼasisa, pʼeq altʼasisa, jan ukajj paypach ampara katthapisisaw mayisiñasa sasaw sapjje. ¿Jumajj kamsarakismasa?

BIBLIAJJ AKHAM SIWA

Saytʼata, qontʼata, qonqortʼata jan ukajj altʼata mayisipkäna ukanakar Diosajj istʼänwa (1 Crónicas 17:16; 2 Crónicas 30:27; Esdras 10:1; Hechos 9:40). Diosajj kunjamsa Jupar orasiñasa uka toqet janiw kamskistusa, ukampis wali respetompiw mayiñasa.

BIBLIAJJ AKHAM SASKAKIWA

• Diosajj altʼat chuymanïpki ukanakan mayisitanakap istʼiwa (Salmo 138:6).

• Diosajj taqe aru yati, ukhamajj taqeniw kunayman arunakat oracionan mayissna, amuki mayiskañäni ukhas Jupajj istʼarakistaniwa (2 Crónicas 6:32, 33; Nehemías 2:1-6).