Korupsi na diulahon akka pejabat pemerintah terjadi do di sude liat portibi on jala balga do pengaruhna. a Contohna saleleng pandemi COVID-19, akka pejabat di piga-piga negara dituduh do memperkaya dirina sandiri ala makkorupsihon hepeng bantuan na seharusna dipakke lao mangurupi halak saleleng pandemi on. Alani i, gabe terbatas ma bantuan kesehatan na didapot akka halak, akibatna gabe godang ma halak na menderita jala mate.

 Balga do dampak ni korupsi na diulahon pejabat pemerintah. Si David Cameron sahalak mantan perdana menteri di Inggris mandok, “Sada masalah na balga do korupsi, disarupahon do i songon sarang laba-laba na boi manjorat jala terbukti do sude negara do terperangkap masalah korupsi.”

 Alai pos ma rohatta, lao disingkirhon Debata nama sude pamarettaon na korupsi. Taparrohahon ma aha na lao ulahonon ni Debata.

 Debata sandiri do na mandok, “Au Jahowa, huhaholongi do hukum na tigor, sogo do rohakku mangida na mangarampok dohot akka na so sittong.” b (Jesaya 61:8) Jadi molo adong halak na susa dibahen akka halak na korupsi, diboto Debata do i. (Poda 14:31) Alani i didok Debata do, “Ro nama Au, ai nungnga disiksa be akka halak na dangol.”—Psalmen 12:5.

 Aha do na lao diulahon Debata? Dang na lao padengganonna pamarettaon ni jolma saonari, alai gattionna do i dohot “Harajaon ni Debata” na mamaretta sian surgo. (Markus 1:14, 15; Mateus 6:10) Ai nungnga didok di Bibel, ‘Pajongjongon ni Debata na di surgo i ma sada harajaon . . . na lao manghancurhon jala mangaropukkon sude harajaon. Jala hot do harajaon i saleleng ni lelengna.’ (Daniel 2:44) Alani i, na lao disingkirhon Debata ma sude hasusaan na masa saonari on.

 Sian dia do taboto na so adong halak na korupsi di Harajaon ni Debata? Taparrohahon ma hatorangan na di toru on.

1.  1. Huaso. Harajaon ni Debata mangandalhon huaso na sian Debata Pargogo na So Hatudosan.—Pangungkapon 11:15.

    Boasa penting on taboto: Molo pamarettaon ni jolma mangandalhon hepeng ni rakyatna do. Molo dang adong dilehon hepeng, dang boi denggan mardalan pamarettaon i. Alani i ma jotjot do adong kesempatan lao mangalehon suap, korupsi, jala memanipulasi data. Alai anggo pamarettaon ni Debata, mangandalhon huaso na sian Debata Pargogo na So Hatudosan i do na sanggup mangalehon manang aha pe kebutuhan ni rakyatna.—Psalmen 145:16.

2.  2. Penguasa. Nungnga dipillit Debata Jesus Kristus lao gabe Raja ni Harajaon ni Debata.—Daniel 7:13, 14.

    Boasa penting on taboto: Alana sadia burju pe pamarettaon ni jolma, tetap do boi ibana terpengaruh lao mangulahon na jahat. (Parjamita 7:20) Alai anggo Jesus, dang boi disuap jala nungnga dibuktihon ibana i. (Mateus 4:8-11) Asing ni i motif ni Jesus mangurupi halak, i ma alani holong ni roha na tulus jala dang lomo rohana mangida halak susa.—Psalmen 72:12-14.

3.  3. Hukum manang aturan. Sempurna do hukum manang aturan na dibahen di Harajaon ni Debata, jala parohon las ni roha do i molo dioloi aturan i.—Psalmen 19:7, 8.

    Boasa penting on taboto: Hukum na dibahen pamarettaon ni jolma jotjot rumit, membebani, jala dang adil didalatton. On ma na mambahen jotjot adong kesempatan lao korupsi. Alai anggo hukum na sian Debata, dang rumit jala mambahen halak marlas ni roha. (Jesaya 48:17, 18) Hukum na sian Debata dang holan paboahon tindakan na lao taulahon, alai dipaboa do alasanta mangulahon i. (Mateus 22:37, 39) Asing ni i ala boi do Debata mamboto isi ni roha ni jolma, boi do dipastihon Ibana na dipatuduhon asi ni roha tikki mangulahon hukum i jala adil.—Jeremia 17:10.

 Dijujui hami do hamu mangalului unggodang hatorangan taringot janji ni Debata lao mambahen portibi on bebas sian korupsi.

•   Adong tolu alasan boasa Harajaon ni Debata bebas sian korupsi. Jaha ma artikel “Kerajaan Allah—Pemerintahan Tanpa Korupsi”.

•   Molo naeng diboto hamu taringot pamarettaon ni Debata jala aha na lao diulahon tu tano on, tonton ma video Aha do Harajaon ni Debata i?

•   Coba hamu ma kursus marsiajar Bibel gratis na diparade hami, asa boi diida hamu aha do manfaatna molo diboto hamu akka janji na adong di Bibel.