Sejarah modern Saksi Jahowa dimulai di ujung ni abad 19. Di tikki i, punguan na metmet na manulikkiti Bibel, maringanan di jonok ni Pittsburgh, Pennsylvania, di Amerika Serikat. Marsitutu do nasida manulikkiti isi ni Bibel. Alani i, diboto nasida ma imbar ni ajaran ni gereja dohot ajaran ni Bibel. Dipabinsar nasida ma aha na diparsiajari nasida di bagasan bukku, koran, dohot jurnal na ditanda saonari Joujou Paboahon—Barita Harajaon ni Jahowa.

 Di punguan na metmet na manulikkiti Bibel i, adong sahalak bawa na margoar Charles Taze Russell. Nang pe si Russell na manguluhon ulaon parsiajaran Bibel di tikki i, jala ibana do editor ni Joujou Paboahon na parjolo, alai dang mamukka agama na baru ibana. Na tinuju ni si Russell dohot punguan i, lao mamaritahon ajaran ni Jesus Kristus dohot ulaon ni halak Kristen di abad na parjolo. Ala Jesus do na mamukka Hakristenon, pos do rohanami molo ibana na mamukka organisasinami.—Kolosse 1:18-20.